La Batejada 2009

Cada an, los estudiants de 1era annada de formacion per venir professor dins las escòlas Calandreta, s’engatjan davant una personalitat del mond occitan a transmetre la lenga a las generacions futuras. La batejada es un moment fòrt de l’accion occitana. Marca simbolicament la portada universala de lor projècte.

Lo president de l’establiment APRENE, Joan Loís Blenet, e lo conselh d’administracion vos convidan a la batejada de la còla dels calandrins en primièra annada de la formacion iniciala dels regents de las Calandretas. Aquela promocion a decidit de demandar a Dòna Josiana UBAUD de la mairinar. Dòna UBAUD es l’especialista reconeguda per totes de las plantas e dels paisatges de Miègterranèa, afogada d’explicar e de transmetre la coneissença prigonda, practica e culturala de la natura que nos environa e que nos porgís nòstra identitat. Es tanben una explicaira infatigabla per una transmission intelligenta del sens de la nòstra lenga.

Aquò se debanarà lo dimars 15 de decembre de 2009 al C.I.R.D.ÒC. a Besièrs, Plaça del 14 de julh. I esperam fòrça mond !

Debanament de la serada

19 oras – 19 oras 30
Acuèlh del mond e mesa en plaça de la batejada

19 oras 30 – 19 oras 50
Discorses oficials d’acuèlh

19 oras 50 – 20 oras 15
La còla presenta sa demanda a la mairina

20 oras 15 - 20 oras 30
Responsa de la mairina

20 oras 30 - 22 oras 00
...o un pauc mai...! Cants, danças, Nadalets, convivialitat, entrepans, begudas e gaug partejat

Qual es que causiguèron los futurs regents ongan ? Per o saber, cal viure lo gaug de l’ochena batejada en bona companhiá lo 15 de decembre de 2009 al CIRDÒC.

La "batejada" qu’es aquò?