L’escrich

N° 1. Espròva de lenga occitana (coef : 2).

QCM de Compreneson orala e escricha a partir de registraments sonòrs e de tèxtes escriches, produccion escricha (nivèl A2 del quadre europèu de referéncias : exercicis de tipe "diplòma d’escapolaire"), dos tèxtes cortets de revirar del francés a l’occitan e de l’occitan cap al francés
Durada : 1 ora e 45 minutas. Nòta eliminatòria : 10/40.

N°2. Trabalh de pensada (coef : 1).

Redigir un tèxt estructurat en occitan. La question pausada s’apiejarà sus un o dos documents que tracta(n) de questions d’educacion e/o de lengas Son avaloradas :
 las competéncias per avisar mantun vejaire e argumentar dintre una problematica simpla mas plan pausada.
 la qualitat de la forma: plan, encadenament logic de las idèas
 la cultura generala : referéncias a d’autors o de pensaires, de corrents de pensada, citacions...
Los candidats redigiràn en òc (20 ponches). Se o pòdon pas seràn notats sus 15 ponches.
Durada : 1 ora e 45 minutas. Nòta eliminatòria : 5/20.

N° 3. Francés (coef : 1).

A partir d’un o mai d’un tèxt, lo candidat respondrà en francés corrècte a de questions de vocabulari, gramatica, analisi de tèxt : son avalorats lor nivèl de lenga escricha, la capacitat d’analisi, de sintèsi e d’imaginacion.
Durada : 1 ora e 45 minutas. Nòta eliminatòria : 5/20.

N° 4. Matematicas (coef : 1).

D’exercicis de calcul, d’algèbra, de conversions de mesuras, de proporcionalitat, de geometria, de logica.
Durada : 2 oras. Los candidats portaràn de material per la geometria, mas la calculeta es pas autorizada. Los candidats redigiràn en occitan. Senon seràn notats sus 15 ponches. Nòta eliminatòria : 5/20.