Entèsta

Dintrada 2020

---

 

Los Aprene 1 son dintrats !

Lo diluns 7 de setembre de 2020 la còla dels Aprene1 coneguèt una dintrada normala !

Lo respècte de las mesuras sanitàrias empachèt pas de poder aculhir los estagiaris dins de condicions acceptablas dins los locals d'APRENE. Aquelas doas primièras setmanas permetèron l'emergéncia d'una còla que faguèt ja véser son dinamisme e la sieuna disponibilitat cap al trabalh. Son doncas sèt filhas e dos dròlles de Limosin, Auvèrnhe, Lengadòc, Miègjorn-Pirenèus e Gasconha que son ara lançats dins l'aventura de la formacion Calandreta. Al programa d'aquel lançament calguèt s'organizar en còlas, causir d'expausats, de mòstras, o encara d'enquèstas, descobrir ESTELUM....sens desbrumbar de bastir un jornal....lo ton es balhat !

---

 

MASTER

Dins l'encastre de la Convencion signada entre l'INSPE de Corsega e l'ISLRF, 9 estudiants de Calandreta e 3 de la Bressola aprestaràn los MASTER 1 e 2. Sèm a viure la tresena annada d'un partenariat que s'installa per durar!

---

 

Professors d'Escòlas Estagiaris

La sesilha 2020 del Concors Extèrn Especial ISLRF Occitan, permetèt a 5 regents de venir Professors d'Escòlas Estagiaris (PEE). A mièg-temps dins la classa e a mièg-temps en formacion, menaràn cadun un projècte a mira cooperativa. Aquel temps fòrt de lor darrièra annada de formacion iniciala abans la titularizacion, s'acabarà per una presentacion publica al CIRDÒC.

---

 

Las practicas de l'immersion dins las escòlas.

 Avètz reçauput i a qualques setmanas una enquèsta a prepaus de las practicas de l'immersion dins lo vòstre establiment. Aquela enquèsta sortís de diferentas soscadissas que venguèron animar d'unes congrèses passats. L'establiment APRENE se carguèt de la mèsa a jorn d'aquel trabalh, per ne prepausar una version pro aisida d'emplenar, e fisarà son tractament a la còla dels estagiaris Aprene1 d'ongan. La demanda del movement tot de mesurar las practicas de l'immersion dins los establiments es recurrenta. Avèm l'escasença d'ofrir una responsa collectiva seriosa.

Comptam sus vos !

---

Ongan, 38 accions de formacion son marcadas al calendièr de formacion continua dels professors de las Calandretas. A la granda majoritat de las accions prepausadas pel regentum, s'apondon las prepausadas pels associatius. La diversitat e l'originalitat dels contenguts s'ameritan una atencion tota particulara de la part de totes ! Formar e se formar es lo nòstre afar !

---

ESTABLIMENT D’ENSENHAMENT SUPERIOR OCCITAN APRENE
Ostal de la Vida Associativa – Boita n° 116 - 2 rue Jeanne Jugan 34500 Besièrs
Telefòn 04 67 28 75 36 –  aprene@aprene.org - https://aprene.org