|
|
Nòvaletra n°33
Setembre de 2026
|
D'esitar pas d'espandir la difusion als parents !
|
|
|
|
|
|
Bona dintrada e bona annada escolara 2026-2027 !
|
|
|
|
D’en primièr, vos desiram una bona dintrada e annada escolara 2026-2027 ! Una annada qu’esperam plena de vam, de plaser de far viure lo projècte, ambiciós, Calandreta, amassa. Doas datas de notar tre ara : lo dissabte 19 de setembre, acamp dels Presidents de las associacions Calandreta ; lo dissabte 10 d’octobre, AG confederala.
|
|
|
|
|
|
|
|
|
Tot es lèste per aculhir la còla Aprene-1 novèla a Besièrs per las doas primièras setmanas de recampament. Ongan tornamai los 8 calandrins realizaràn un jornal en linha e participaràn a la Nòvaletra aquesta. Las tres còlas de la formacion iniciala se traparàn amassa, siá a Besièrs, siá a Tolosa. En tot, seràn 24 personas sul tatami d’Aprene !
|
|
|
|
|
|
Collòqui ISLRF 2027 : quina plaça per l’escòla dins una politica de revitalizacion lingüistica ?
|
|
|
|
Los XIens Rescontres de l’immersion, organizats per l’ISLRF en associacion amb la ret DIWAN e KELENN, se debanaràn a Roazhon (Rennes) del divendres 19 al dissabte 20 de març de 2027. Quina plaça per l’escòla dins una politica de revitalizacion lingüistica ? Trobaretz çai-jos l’apèl a comunicacion e las precisions necessàrias per i respondre.
|
|
|
|
|
|
Sosten a la formacion dels ensenhaires : afectatz vòstra taxa d'aprendissatge 2026 a APRENE
|
|
|
|
APRENE, establiment d’ensenhament superior encargat de la formacion dels ensenhaires de las escòlas Calandreta, es abilitat a recebre lo sòlde de la taxa d’aprendissatge per 2026. En causissent d’afectar aqueste sòlde a APRENE, via la plataforma SOLTéA, contribuissètz concretament a la transmission de la lenga e de la cultura occitanas a las generacions novèlas, atal coma a la formacion dels futurs ensenhaires.
|
|
|
|
|
|
|
|
|
Carrièras occitanas que s’i torna tà ua navèra manifestacion a Montsegur (Arièja) los 17 e 18 d’octobre de 2026. Dètz ans après las granas manifestacions d’Anem Òc, lo collectiu pan-occitan que contunha d’afirmar l’occitan coma lenga viva, populara e de societat. Ua manifestacion de las granas que’s debanarà lo dissabte 17 d’octobre au vrèspe, acompanhada d’accions, de concèrts, de conferéncias, de talhèrs e d’escambis.
|
|
|
|
|
|
Totas las nòvaletras son a posita al Forum Calandreta. Serà possible de reagir als articles.
Los qu’an pas accès a aquel forum poiràn mandar lors reaccions a las adreças çai-jos.
|
|
|
|
|
|
|
|
|
