Temps, ja ? Òc, l’annada es pas acabada, mas coma de costuma, se volèm aprofechar los diferents eveniments per liurar las agendas, es ara que cal comandar.
Traparetz totes los documents amb aqueste ligam
I traparetz :
Per la comunicacion
- l’aficha per difusar l’informacion dins vòstre establiment (o en çò de vòstre mercant d’ortalissa, vòstra pastissariá, vòstre cercle de lectura…)
Per las comandas gropadas
- l’aficha per las comandas gropadas, se vos volètz encargar de regropar de comandas e beneficiar de la tarifa degressiva (pensatz d’apondre lo nom de la persona responsabla del recampament)
Bons de comanda
- lo bon de comanda « general », per las comandas individualas o gropadas, un còp recampadas las comandas de vòstres sòcis, escolan·a·s o aderent·a·s
- lo bon « comanda gropada », de distribuir a vòstres sòcis, escolan·a·s o aderent·a·s (pensatz d’apondre una data de retorn, a l’entorn del 20, per nos tornar la comanda globala pel 30)
Documents de presentacion
- 2 fichas de presentacion mai detalhadas, una en V.O., l’autra en V.F.
Podètz tanben difusar
- lo tèxt de presentacion (VO / VF) en fin d’aqueste messatge
- lo ligam cap al site :
https://terrairol.wixsite.com/terrairol/agenda-escolara - lo ligam cap a la botica HelloAsso : passar comanda
S’avètz besonh d’entresenhas o d’una aisina de comunicacion de mai, trantalhetz pas de me contactar.
Mercé d’avança per vòstra ajuda e vòstra comanda.
A ben lèu
Corinne Lhéritier
per l’associacion Terrairòl