Lo movement Calandreta fisa la formacion de sos regents a l’establiment APRENE.
Lo camin pedagogic s’endralha amb las tres annadas de formacions inicialas que menan a la titularizacion, puèi contunha amb un catalòg de formacions continuas qu’es actualizat cada annada.
Aquel catalòg se bastís cooperativament al dintre del movement.
A la prima, APRENE manda un apèl a projèctes que permet als regents de prepausar una o mai d’una formacion per l’annada escolara venenta.
Totas las proposicions son estudiadas per la còla d’APRENE al nivèl pedagogic e financièr per ne poder faire una presentacion al Burèu Confederal que valida lo contengut transmés al Ministèri.
Los regents que faguèron las proposicions tenon la casqueta de » Referent d’accion de formacion » e, long de l’annada, trabalhan amb las còlas administrativa e pedagogica de l’establiment per poder porgir al regentum una formacion continua de qualitat que respond als besonhs mas tanben a las envejas.
Mercé l’engatjament dels referents, Calandreta pòt prepausar a sos regents un programa plan ric dins mantun domeni.
Lo programa 2025-2026 se pòt consultar en seguir lo ligam aqueste.
Lo programa per l’an venent es a se bastir. Los regents an encara fins a la fin de la setmana per transmetre lors idèas. Avèm ja vistas passar d’unas proposicions plan interessantas !
Lo catalòg a venir s’anóncia chucós…
Amandina Garcia