Lo Jaumet Demèsa nos quitèt a la començança d’octòbre.
Lo mercejam per tot çò que faguèt per la cultura e per la lenga nòstras, lo mercejam per aqueles libròts que faguèt per la joinessa adolescenta, lo mercejam per tot çò qu’organizèt pel movement Calandreta, en particular per la Calandreta de Mesa e l’establiment segondari Calandreta Leon Còrdas. Lo mercejam particularament per son engatjament dins lo devenir de l’establiment Leon Còrdas.
D’en primièr, faguèt de professor. Daissa lo grand remembre d’un professor que rend las causas aisidas de comprene, un professor joiós, çò qu’es una escomesa bèla per l’ensenhament de las matematicas.
Puei, en 2000, lo collègi jovenet vesiá demissionar son Cap d’Establiment creator e dins l’estiu caliá trapar un cap d’establiment, altrament lo collègi podiá pas dobrir a la dintrada. Trapar qualqu’un per prene una responsabilitat tant bèla dins un temps tant cort èra una escomesa quasi impossibla, e vaquí que lo Jaumet, professor retirat, acceptèt la mission. Quin coratge d’un militant grand d’i anar.
Un grand mercés, aquò se pòt pas e se desoblidarai pas jamai : una part del Jaumet es dins las muralhas de l’establiment segondari Leon Còrdas e dins los nòstres còrs.
Aviá aquela volontat acarnassida de defendre, de portar e de transmetre lo nòstre patrimòni occitan, que permetiá de far passar la fe de la flamba occitana e sa memòria.
Patric Albert
Ancian Cap d’Establiment de l’Establiment Segondari Calandreta Leon Còrdas
Joan-Loís Blenet
Confederacion Calandreta