Bailes, Paissèls e Paissèls-ajudaires

 

Lo Baile

Es un regent investit dins la formacion APRENE

  • Aculhís un calandrin dins sa classa, l’acompanha temps de las quatre o cinc setmanas de son modul,
  • Pren de temps per l’escotar e respondre a sas questions de mercé un luòc de regulacion identificat,
  • Ajuda lo calandrin per avançar sul camin de melhorança de la lenga,
  • Li demanda de preparacions escrichas, e las agacha. Aconselha,
  • Balha son vejaire al calandrin per que melhore sa practica de classa. Li ditz çò que va plan, çò que cal melhorar o sustot çò que cal cambiar de sa practica de classa,
  • Lo baile verifica se lo calandrin emplena regularament son quasèrn de bòrd (qu’es l’esplech tecnic), lo consulta, fa resson e balha lo fuòc verd per la mesa en òbra dins la classa,
  • Sap escriure tan çò que va plan que çò que va pas,
  • Participa a la formacion « Baile »,
  • Escàmbia amb lo paissèl, a la fin manda la grilha al paissèl e ne parlan. Verifica que lo calandrin aja picat la tièra de las sesilhas menadas en classa. Clava puèi la grilha, la mòstra e la comenta al calandrin,
  • En cas de dificultat, lo baile se pòt sarrar del paissèl del calandrin o d’un paissèl ajudaire.

l1250843

Lo Paissèl

Faguèt de Baile

  • Es una referéncia per la lenga occitana e a lo lagui que lo calandrin la melhore long de son annada,
  • S’engatja a participar d’un biais fèrm als conselhs de paissèls, luòc de validacion dels moduls,
  • Seguís lo calandrin tot al long de l’annada,
  • Es disponible per li parlar, quitament al telefòn,
  • Li sap dire las causas malaisidas,
  • A demostrat que coneis e respècta menimosament los luòcs de paraula,
  • A accès al portfolio de son calandrin, dins l’ENT d’APRENE. Lo consulta e li fa resson.

 

l1250975

Lo Paissèl-acompanhaire

Faguèt de Paissèl

  • A d’experiéncia de la classa : es titular e ensenha dempuèi d’ annadas,
  • Sap reçaupre un calandrin dins sa classa. Sap ajudar un calandrin. Ne saupèt parlar en conselh de paissèls, prigondament e finament, en tot respectar la persona,
  • Aculhís un calandrin per doas setmanas d’abaudiment e per 6 setmanas de responsabilitat acompanhada,
  • Participa a las formacions Paissèls Ajudaires,
  • Fa de visitas amb un paissèl-ajudaire, establisson a cada còp una grilha escricha,
  • Participa a la represa pedagogica e signa (al cap d’un a tres ans) un tèxt eissit d’una elaboracion collectiva (cf tèxt Paissèl Acompanhaire),
  • Pren en carga pauc a cha pauc de responsabilitats dins la còla de PA,
  • Coneis mai d’una Calandreta, escàmbia a prepaus de sa practica de classa,
  • Parla al nom d’APRENE.


 

Lo Paissèl-ajudaire

Faguèt de paissèl acompanhaire

  • Es portaire de l’occitan, n’a lo lagui e lo vòl qualitatós dins totes los espacis d’expression de Calandreta (CA, Comissions, …),
  • Es obrador del projècte Calandreta,
  • Participa a l’organizacion e a l’animacion del congrès,
  • Participa a la concepcion de la formacion iniciala,
  • Respècta e fa respectar los luòcs quand fa mestièr,
  • Participa a las formacions de paissèls ajudaires, capita de parlar de sas practicas de classa,
  • Fa de visitas de classa, capita de redigir los relats, amb respècte mas en saupre formular çò que va e çò que va pas,
  • A de responsabilitats pedagogicas dins l’encastre de la formacion iniciala o continua (mestièrs PA),
  • Escriu articles, tèxtes o monografias a prepaus de la classa.