APRENE 1

ANNADA PREPARATÒRIA AL MESTIÈR

L’annada Aprene1 es una annada preparatòria al mestièr ; sa validacion es indispensabla per ensenhar dins las escòlas Calandreta amb lo títol de Regenta o de Regent. Sa tòca es de far venir cada calandrin(a) al nivèl de competéncia B2 1)Nivèl definit dins lo Quadre Europèu Comun per las Lengas en occitan e l’ajudar a se bastir una pedagogia biaissuda en classa.2)En referéncia a la Carta de las Calandretas adoptada lo 21 de mai de 2005 a Limos.

Per complir amb l’objectiu, cada calandrin(a) 3)Estudiant en formacion a APRENE en Aprene1 viurà:

* Un modul d’almens 4 setmanas d’estagi acompanhat per un paissèl o un baile dins los 4 cicles del primièr e del segond gra, dins tres establiments diferents. I practicarà de preparacions de classa e de menadas de sesilhas o, se ne vira, de sequéncias. Participarà activament a las institucions de classa. Viura de projèctes pedagogics. Al cap de cada modul, lo paissèl o lo baile emplenarà una grasilha d’avaloracion.

* 12 estagis a Besièrs ont aprendrà las competéncias teoricas de basa del mestièr.

* 3 estagis “Lenga – Cultura”.

* 120 oras de Formacion Obèrta A Distància (FOAD).

* 6 setmanas en responsabilitat de classa acompanhada ont començarà de tastar del mestièr en autonomia, ajudat per un espatlaire. I aurà tres visitas de paissèls ajudaires que redigiràn un rapòrt a cada còp.

* 2 acamps associatius almens ont se presentarà al mond « en tant que calandrin(a) » e ont rescontrarà l’aspècte « s’associam per far escòla ». (cf ligam :http://calandreta.org/Carta-de-las-Calandretas.html)

Aital, al cap de l’annada d’Aprene1, cada calandrin(a) aurà viscut una annada rica d’occitan, almens, dins quatre establiments Calandreta diferents, mantuna setmana de vida de classa e d’escòla dins una amira professionala. Aurà tastat de la realitat del movement associatiu de las Calandretas. Sauprà preparar la classa (ficha menaira de sesilha, quasèrn de bòrd), far una leiçon en tot pausar un objectiu, avalorar los aquesits dels calandrons mercés un dispositiu d’avaloracion formativa, montar un emplec del temps de classa, organizar una sortida e alestir un projècte pedagogic, pensar sa classa amb las aisinas e las institucions adaptadas. Serà capable de portar la lenga occitana de longa, tant a l’oral coma a l’escrich, sens trantolar.

 

Còla APRENE 1 2018-2019

References   [ + ]

1. Nivèl definit dins lo Quadre Europèu Comun per las Lengas
2. En referéncia a la Carta de las Calandretas adoptada lo 21 de mai de 2005 a Limos.
3. Estudiant en formacion a APRENE