Una de las missions majas de l’establiment d’ensenhament superior occitan APRENE es la formacion iniciala dels regents de Calandreta.
La formacion iniciala se deviá de respondre a doas questions clarament identificadas.
Primièr, cossí installar e far viure l’immersion dins una classa ? e cossí desvolopar, dins son sen, una pedagogia activa e cooperativa que meta los escolans al centre dels dispositius ?
La formacion iniciala deu permetre d’aprene un mestièr e d’aquerir de reflèxes. Aqueles objectius an orientat nòstras causidas que se son traduches per un temps dins la classa mai important qu’en defòra e per de regropaments intensius de formacion teorics que foncionan per una part granda en cooperacion. Lo desvolopament dels Portfolios a tanben marcat una etapa importanta dins la mesa en plaça d’un sistèma d’avaloracion justa e coerent.
Camin de formacion iniciala
Annada de formacion amb alternància d’estagis teorics a l’establiment APRENE e d’estagis de practica dins de classas Calandreta.
Annada en responsabilitat de classa dins un establiment Calandreta amb de temps de formacion (pedagogia e lenga).
Annada post concors en responsabilitat de classa dins un establiment Calandreta amb de temps de formacion (pedagogia e lenga).
Pour èsser professor de las escòlas titular al dintre del movement cal aver validadas las annadas Aprene1 e Aprene2, deténer un diplòma MASTER1, capitar lo concors extèrne especial occitan ISLRF 2 e validar l’annada de PEE.
Per mai d’informacions sus las espròvas del concors e las condicions d’inscripcion, consultatz lo sit internet devenirenseignant.gouv.fr
- APRENE acompanha los regents que son pas titulars del Master. Dempuèi 2014 de convencions son estadas signadas amb diferents INSPE per fin d’assegurar un Master2 MEEF adaptat pels Professors de las Escòlas Estagiaris de Calandreta. ↩︎
- Se sètz inscrit a aquel concors e qu’avètz pas faitas las 2 primièras annadas de formacion, asseguratz vos qu’en cas de capitada poiretz obténer un pòste dins un establiment privat Calandreta en demandar lo consentiment (agrément) a l’ISLRF. ↩︎