La santat mentala es estada declarada en 2026 « Granda Causa Nacionala », per la 2da annada consecutiva en França.La santat mentala es estada declarada en 2026 « Granda Causa Nacionala », per la 2da annada consecutiva en França.
Dins aqueste contèxte vos voldriái partejar lo meu trabalh de recercar de memòri que faguèri l’annada passada.
Lo tèma es : » L’investiment dels regents de Calandreta e los efièches sus lor vida personala e professionala « .
Es important per ieu de mercejar los 70 regents qu’avián respondut al questionari. De mercé a vòstre temps, poiretz trobar las resultats detalhadas del memòri sul siti d’Aprene a las rubricas Produccions -> Memòris -> facultat de Carcassona sus aqueste ligam.
Aquí lo resumit : Far regent.a de Calandreta pòt èsser un mestièr apassionant mas atanben plan alassant.
Aqueste trabalh de recèrca descriptiu, qu’es lo primièr sus aquela tematica, questiona l’investiment
dels regents de Calandreta e los efièches sus lor vida professionala e personala. De mercés a las
responsas de 71 regentas e regents de Calandreta amb un questionari en linha, uèit ipotèsis son
interrogadas e analisadas. Las resultas fan veire que far regent.a en Calandreta pòt aver un impacte
sus la moneda personala e sus la santat dels ensenhaires. La cultura associativa es un element
important dins la vida dels regents. Lor trabalh es plan un « mestièr passion » per eles. Dins la mira
d’ajudar los regents a desseparar vida professionala e vida personala, se poiriá prepausar una
formacion als primièrs secorses en santat mentala, un partatge mai organizat de l’aisina Estelum e la
creacion d’una adreiça professionala intèrna a Calandreta.
Mercé plan a totas e totes per vòstre temps, vòstra energia e vòstre vam per espandir la lenga e cultura occitana a l’entorn del projècte Calandreta.
Olivià Roux