Occitan
Lo nivèl d’occitan requesit per dintrar en formacion es lo nivèl A2 del CECRL.
La Jurada prepausa una espròva escrita d’occitan amb una partida compreneson e una partida produccion.
Durada de l’espròva : 1 ora 45 (105 minutas)
Nòta eliminatòria : 5/20
Coeficient : 2
Matematicas
Los candidats respondràn a d’exercicis de calcul, d’algèbra, de conversions de mesuras, de proporcionalitat, de geometria, de logica.
Los candidats portaràn de material per la geometria. Los candidats redigiràn en occitan.
Durada totala : 2 oras (120 minutas)
Nòta eliminatòria : 5/20
Coeficient : 1
Exemple de subjècte de Matematicas
Pensada
APRENE prepausa un exercici escrit ont cal redigir un tèxt estructurat en occitan. La question pausada s’apiejarà sus un o dos documents que tracta(n) de questions d’educacion e/o de lengas.
Son avaloradas :
Las competéncias dels candidats per avisar mantun vejaire e argumentar dintre una problematica simpla mas plan pausada.
La qualitat de la forma : plan, encadenament logic de las idèas.
La culturala generala : las referéncias a d’autors o de pensaires, o encara a de corrents pedagogics o linguistics, las citacions…
Durada totala : 1 ora 45 (105 minutas)
Nòta eliminatòria : 5/20
Coeficient : 1
Exemple de subjècte de Pensada
Francés
Los candidats respondràn en francés corrècte a de questions a partir de mantun tèxte. Permetrà d’avalorar lo nivèl de lenga escricha, la capacitat d’analisi, la capacitat de sintesi, la capacitat d’imaginacion.
Durada totala : 1 ora 45 (105 minutas)
Nòta eliminatòria : 5/20
Coeficient : 1
Exemple de subjècte de Francés
La jurada es la pòrta d’intrada per la formacion que permetrà puèi d’ensenhar a Calandreta. Los mèstres devon arribar a una mestreja perfiècha de las doas lengas francés e occitan. Pel francés, rai, que normalament an ja un camin plan long dins l’estudi de la lenga. Per l’occitan, es de còps mai complicat, lo nivèl de dintrada a APRENE es lo A2, sabèm qu’es possible amb d’enveja e fòrça trabalh d’agantar lo B2 en fin d’APRENE1 e lo C1 lèu a la seguida. Mas a la jurada sufís pas lo nivèl A2 per s’exprimir coma cal a l’escrit a prepaus de nocions complicadas o abstractas, coma las matematicas o la pensada. Es per aquò que los candidats a la jurada pòdon compausar dins aquestas doas matèrias en francés. Pasmens, l’esfòrç de compausar en occitan es gratificat.