APRENE, creat lo 26 de febrièr de 1995 a Montpelhièr, registrat al Jornal Oficial de la Republica Francesa lo 19 d’abril de 1995, es convencionat amb lo Ministèri de l’Educacion Nacionala dempuèi lo 6 de mai de 1996. Es matriculat al Repertòri Nacional dels Establiments d’ensenhament superior, amb lo n°034 2007X.
Es afiliat a l’Institut Superior de las Lengas de la Republica Francesa (ISLRF) mercés una convencion signada lo 15 d’octòbre de 1997. Creat en 1997, l’SLRF [1]Imatriculacion de l’ISLRF al Repertòri Nacional dels Establiments d’ensenhament superior : n°034 1986Z asempra sièis malhums d’escòlas immersivas en lengas regionalas per la mesa en plaça de la formacion de sos regents. Aqueles son : ABCM-Zweisprachigkeit per l’alsacian/moselan, Seaska pel basc, Diwan pel breton, Bressola pel catalan, Scola Corsa pel còrse et Calandreta per l’occitan. Dempuèi lo 28 de julh de 1997, una convencion ligava aquel establiment d’ensenhament superior amb lo Ministèri de l’Educacion Nacionala. Pr’amor de la reforma dicha de masterizacion, una novèla convencion es estada signada en 2014 amb lo Ministèri de l’Ensenhament Superior de la Recèrca e de l’Innovacion.
Lo caractèr pròpri dels establiments qu’emplegan aqueles regents aprèp la formacion initiala, es l’accès dels mainatges al bilingüisme actiu, demercé l’immersion en lenga regionala.
Lo de las escòlas Calandreta es definit per la carta de las Calandretas.
Aquel caractèr pròpri es de natura cognitiva, tre que mena a l’acquisicion de competéncias lingüisticas suplementàrias pels mainatges. Ten un aspècte pedagogic fòrt, car indusís de reflèxes adaptats. Tant la natura coma l’aspècte pedagogic genèran d’especificitats que se devon prene en compte al moment de la formacion dels regents.
Cadre juridic d’APRENE
Lei del 12 de julh de 1875 e del 1ièr de julh de 1901. Jornal Oficial de la Republica Francesa del 19.04.1995. Numèro nacional d’establiment d’ensenhament superior 034 2007X.
APRENE es convencionat amb lo Ministèri de l’Educacion Nacionala dempuèi lo 6 de mai de 1996.
NDA 76341264334 atribuit lo 23 de genièr de 2024.
L’establiment d’ensenhament superior occitan APRENE se trapa dins los locals de l’Ostal de las associacions de Besièrs, a broa d’Òrb e a 5 minutas a pè de la gara.
Establiment APRENE
Ostal D. Cordièr (anciana MVA)
Boita a letras 116, 2 carrièra Jeanne Jugan 34500 Besièrs, França.
Telefòn : 04 67 28 75 36 | Adreça electronica : aprene(a)aprene.org
References
| ↑1 | Imatriculacion de l’ISLRF al Repertòri Nacional dels Establiments d’ensenhament superior : n°034 1986Z |
|---|