Objectiu(s) de formacion
► Identificar e caracterizar las missions d’APRENE e sa plaça dins lo Movement Calandreta.
► Contribuir als tempses de reflexion collectiva e a la produccion de tèxtes referencials pel Movement.
► Analisar sa practica pedagogica d’un biais reflexiu e argumentat, mercé als escambis entre pars.
► Aprigondir lo mestritge dels espleches e dels luòcs institucionals de la classa cooperativa immersiva.
► Observar una practica professionala e redigir una ficha d’avaloracion estructurada dins l’encastre d’una visita de classa.
Competéncia(s) visada(s)
► S’implicar dins las missions d’APRENE e contribuir a una produccion collectiva.
► Analisar sa practica e formular un retorn constructiu, argumentat e respectuós sus la practica d’un par.
► Mobilizar d’un biais pertinent los espleches e los luòcs institucionals de la classa cooperativa immersiva.
► Presentar, explicar e sosténer los principis de la Pedagogia Calandreta dins diferents encastres professionals e institucionals.
Contengut
► Analisi collectiva de practicas professionalas
► Regulacion del debanament de las formacions
► Avaloracion dels aprenents en formacion iniciala
► Produccion d’escriches a caractèr reflexiu
► Talhièrs d’escritura collaborativa per produire o revisar de tèxtes referencials pertocant lo Movement Calandreta
► Temps d’escambis (Borider, Conselh Scientific) e de regulacion (Conselh)
► Visita de classa, entreten de resson e redaccion (individuala o en binòme) d’una grilha d’avaloracion
Modalitats pedagogicas
► Alternància de trabalhs collectius e en grop
► Cooperacion e aprendissatge entre pars
► Co-analisi de practicas professionalas en grope
► Produccion collectiva negociada (tèxtes referencials…)
► Observacion crosada e co-avaloracion en binòme
► Debat argumentat e regulacion collectiva
► Escritura reflexiva individuala, partejada e enrichida en collectiu
Modalitats d’avaloracion
► Avaloracion formativa entre pars
► Lo referent de l’accion avalora :
– l’atenta globala dels objectius
– lo mestritge de las competéncias a partir dels elements collectats pendent la formacion (presas de paraula, interaccions, questionaments…)
– la pertinéncia del debanament de l’accion.
► Los participaires fan un bilanç oral en fin formacion puèi emplenan l’enquèsta de satisfaccion.
Modalitats de formacion
►Presencial
►Lòcs previstes : Establiment APRENE, Calandretas de Carcassona. Los luòcs definitius seràn confirmats suls convits.
►6 seminaris : del 12 al 16 d’octobre, del 23 al 27 de novembrre de 2026, del 11 al 15 de genièr, del 1èr al 5 de març, del 10 al 14 de mai, del 14 al 18 de junh de 2027
►Las datas son consultablas sus l’espaci numeric de trabalh ESTELUM / Calendar.
► L’emplec del temps serà comunicat amb lo convit.
► Las plaças son limitadas als 12 primièrs inscriches.
► Las sessions de formacion son abitualament garantidas a partir de 7 estagiaris.
Public(s) / Pre-requesit(s)
► Èsser Paissèl-Acompanhaire o Paissèl-Ajudaire.
Accessibilitat
► Se sètz en situacion d’andicap, APRENE met tot en òbra per vos permetre de participar a nòstras formacions.
► En tant que referenta andicap, Amandina Garcia es disponibla per estudiar las condicions d’accèss a la formacion en ligam amb Xavi Ferré, referent Dis-Parièrs.
Referent
►Xavi Ferré
Intervenents
► Xavi Ferré
Tarif / financement
► Formacion continua dels regents de Calandreta.
Procedura d’inscripcion
► Regent PE, PC o DA : inscripcion per messatge electronic a secretariat@aprene.org
► L’inscripcion serà confirmada per messatge electronic.
Contactes
► Corrièl : secretariat@aprene.org
► Telefòne : 04 67 28 75 36
► Adreça : Maison Daniel Cordier, Boite 116, 2 rue Jeanne Jugan, 34500 Béziers
Taus de capitada en 2025-2026
►100%
Taus de satisfaccion en 2025-2026
► 100% de las enquèstas entre-senhadas.