Programa d’escambis Occitans – Catalans a l’entorn de practicas de classas
Plurilingüisme
Familhas de lengas
Termomètre linguistic
En genièr de 2018, quatre regents de las escòlas Calandreta foguèron aculhits dins doas classas catalanas per fin de començar un escambi de practicas de classas dins mantun domèni : Plurilingüisme – Familhas de lengas – Termomètre lingüistic.
Xavi Ferré e Felip Joulié passèron doas jornadas a l’escòla La Salle de Palamos.
Resson de la visita sul sit de l’escòla La Salle
Irèna Pradal e Annia Pla foguèron aculhidas per l’escòla Espai 3 de Sant Joan Despí.
Resson de la visita sul sit de l’escòla Espai 3
Aquela iniciativa dintra dins un ensem d’escambis cooperatius entre Calandreta e la Societat Catalana de Pedagogia.
A calandreta, fasèm l’escòla plurilinga dempuèi mai de 30 ans. Sèm en capacitat de portar las nòstras experiéncias als collègas catalans tant al nivèl de plurilingüisme que del trabalh de Familhas de lengas.
La Societat Catalana de Pedagogia nos ajudèt a soscar cap a l’avaloracion del nivèl de lenga dels mainatges de fin de GS de mairala a Calandreta. Nos balhèt la possibilitat d’utilisar lor aisina termomètre lingüistic, d’escambiar amb los regents cap a la practica d’aquela aisina e de participar e presentar las nòstras practicas e experiéncias a d’unas formacions en catalonha.
Los regents catalans seràn aculhits dins las classas Calandreta per continuar aquel trabalh d’escambis pedagogics.
A Besièrs, lo 16/02/2018
Annia Pla
