Un collectiu novèl, Fasèm las carrièras occitanas d’en pertot, prendrà una iniciativa originala, e bravament simbolica, los 25 e 26 d’octobre venent en tornant bastir l’ostal del Joan Petit. Lo menaire de la revòlta dels « croquants » en Roergue en 1643 foguèt torturat e tuat per las tropas reialas. Son ostal foguèt destrusit ambe interdiccion de lo tornar bastir. Simbòl de las luchas popularas occitanas, lo collectiu vòl rendre omenatge als revoltats de 1643 e interpellar lo movement occitan a prepaus de la necessitat de se tornar faire véser per carrièras. Calandreta sosten l’iniciativa e parteja tanben l’analisi del collectiu. Volèm totes mai d’occitan dins l’espaci public e l’avèm curiosament quitat dempuèi 2015 ! Los temps de la mobilizacion tòrnan mercé d’energias novèlas que mercejam ! Convidam doncas, sens resèrva, totes los valents a s’associar a n’aquelas jornadas que devon marcar lo tornar de la lenga e de la cultura nòstra per carrièras !
Joan-Francés ALBERT
Ligam cap a un article del jornalet
