Una lenga en mai, documentari de 52 minutas del jornalista Michel Feltin-Palas (sur le bout des langues) e del realizator Cyrille Claus, consacrat a la defensa de la diversitat culturala, una tematica rarament abordada a la television, prepausa un torn de França de las lengas minoritàrias del país.
Lo documentari es accessible a la plataforma France Télévision dempuèi lo 24 de setembre dins l’encastre de la setmana de las lengas regionalas.
En bonus, una cançon de Francis Cabrel, qu’a escrich per l’escasença un tèxte sus aqueste tèma e qu’interprèta amb d’artistas que s’exprimisson dins mantuna lenga de França. Una creacion multilingüa inedita entitolada «Un grama de tèrra»
Vos convidam a agachar lo film e descobrir lo clip de la cançon.
Cristèla Simonato