Nascut en 2019 per denonciar las consequéncias deletèrias de la reforma del licèu mesa en plaça per l’ancian ministre de l’Educacion Nacionala Jean-Michel Blanquer, lo collectiu Per que Viscan Nòstras Lengas acampava d’associacions de defensa de las lengas «regionalas».
Es oficialament vengut una associacion lei 1901, a l’escasença de l’Amassada Generala constitutiva que s’es tenguda a Baiona lo 25 d’octobre passat.
Lo passatge de collectiu en associacion permetrà a Per que Viscan Nòstras Lengas de melhor s’estructurar, tant al nivèl del foncionament que sul plan economic, d’afortir son accion e, o esperam, d’incitar mai d’actors associatius lingüistics a se jónher a las estructuras ja federadas per pesar mai encara dins lo debat public e aténher sos objectius.
Coma s’èra fach del temps de las eleccions legislativas per sollicitar los candidats a prepaus de las questions de lengas, de mobilizacions suls territòris (mai 2021, 1èr de junh 2024) o de recampaments a París, mancarem pas de vos convidar de participar a las accions d’aquesta novèla associacion.
La question de l’ensenhament demòra al còr dels enjòcs – demanda cambiament article 2 constitucion.
La refòrma dels medias publics serà tanben un subjècte de mobilizacion per l’associacion.
Cristèla Simonato