Desempuish 2021, Aprene que tribalha dab Paris VIII e que participa au projècte VOLARE. Mercés au tribalh de Pèire-Joan Laffitte et de Del Aram Bidabad, Aprene e lo Movement Calandreta que tribalha en ligam dab lo hialat pedagogic VOLARE.
VOLARE qu’ei un repertòri numeric en accès liure destinat aus educators, qui introduseish apròchas etnograficas e qu’integra lo testimoniatge e la multimodalitat com utis deu procèssus educatiu.
Qu’ei ua ressorça preciosa peus ensenhants, permor que :
- va au-delà d’un repertòri simplòt de sorças de saber « esperats », qui renden l’aprenedissatge mei dinamic e engatjant.
- Proposa « percors d’aprenedissatge » especifics, dab supòrts pedagogics flexibles, adaptats a atges diferents, disciplinas e contèxtes.
- Encoratja lo dialògue e la reflexion critica suus drets umans, la diversitat e las nocions de « l’aute ».
- enriqueseish l’ensenhament mercés a votz de personas qui partatjan las lors experiéncias viscudas, las lors istòrias e las lors emocions.
- Crea un encastre dens lo quau los escolans que desvolòpan competéncias de compreneson, de collaboracion e de participacion activa.
Lo repertòri que compren :
- Vidèo-testimoniatges de personas refugiadas o eishudas de l’immigracion en Grècia, en Bulgaria e en França.
- Vidèos de contribucions d’educators, de juristas, d’artistas e d’activistas tribalhant dens aqueste maine.
- Ua diversitat de ressorças de saber (articles, libes, rapòrts, etc.) accompanhadas de supòrts multimodaus suplementaris (filmes, òbras d’arts, musèus, jòcs, basas de dadas, etc.).
- Dotze cantas en diferentas lengas, seleccionadas e enregistradas exclusivament peu repertòri numeric VOLARE.
- Podcasts qui presentan ua diversitat grana de votz en ligam dab las tematicas deu projècte.
VOLARE qu’ei un projècte de recèrca europenc hicat en òbra per tres universitats situidas en Grècia, en França e en Bulgaria, en collaboracion dab ua cooperativa tecnologica basada en Grècia. Qu’ei dens aqueste encastre que dab Aprene, qu’organizèm encontras en visiò conferéncias tà la bibiotèca nacionau (au CIRD’Òc). En 2021, qu’estó tanben apitat encontras dab los regents de Grècia qui viengón dens las Calandretas. En 2022, que participèm a ua Conferéncia titolada « L’ordinari deu noste tribalh a l’espròva de l’extraordinari deu confinhament ». Lo 1èr de junh de 2023, Aprene que participè a la conferéncia : « Quin non sonque formar a, mes per, ua pedagogia cooperativa ? » Lo 11 de noveme de 2023, que’ns questionèm sus « Que son vaduts los Calandrons ? » Lo 1 6 de noveme de 2024, Aprene que participè au desbat de VOLARE pertocant las questions migratòrias. VOLARE que hiquè a dispausicion enregistraments destinats a estar integrats dens las soas recèrcas. La jornada d’estudi que s’intitulava « Arcuélher las singularitats pedagogicas ». Que’s tiengó tà Paris VIII e qu’amassè las 3 equipas deu projècte ERASMUS e tanben Patrici Baccou e Isabèu Vergnes d’Aprene. Enfin VOLARE qu’interviengó au collòqui de l’ISLRF « Quin imaginar apréner ua lenga per la non pas parlar ? » per presentar e neurir l’escambi dab tot lo hialat de las lengas immersivas de l’Estat francés.
Exploratz la plataforma VOLARE :
https://repository.volare-project.eu/