Lo seminari d’aprestança del congrès se tendrà los dissabte 10 e dimenge 11 de genièr de 2026 « A las pòrtas dels monts d’Aubrac » del costat d’Espalion. Aquelas doas jornadas se balhan per objectiu de trapar lo títol del congrès abans de ne definir mai los temps fòrts e los talhièrs. La tematica delcongrès 2026, « s’associar per faire movement », manca pas de sal, çò que deuriá balhar plan de pistas de reflexion. Aqueste temps d’elaboracion collectiu serà de segur ric, que mai de 25 personas respondèron al convit, e desiram encara mai qu’atalentèsse familhas, regents e associatius per i venir nombroses ! Lo Congrès se debanarà coma de costuma del temps de la dimenjada de l’Ascencion los 14 e 15 de mai de 2026. Las inscripcions se faràn del temps del mes de febrièr mas mancarem pas de vos sollicitar !
Joan-Frances ALBERT