Vivèm un temps de velocitat, mai qu’aquò : d’acceleracion permanenta. Los telefonets son venguts de maquinas d’asservatge que nos secutan de longa. Sulpic e lèu-lèu son d’injonccions permanentas. E amb la velocitat perdèm la memòria. Tant lèu vist, tant lèu remplaçat, desbrembat, estavanit. L’urgéncia dau present escafa lo passat que se cal pausar un bricon per ne tornar prene lo fiu. Es çò que farem uèi per aquest’an del quart de sègle. Imaginam en 1925, tot çò qu’aquel sègle XX aviá viscut amb de guèrras colonialas, lo masèl de 14-18, puèi las « annadas fòlas », e de combiaments sideraus en art e tecnicas.
Pel nòstre 2025 nos limitarem au sicut occitan qu’es gaire espepidonat nimai publicitat. Començam per las despartidas que d’i pensar nos rementa amb plaser çò que nos portèron d’afan e d’ingèni. Alara saludam lo Pèire Corbefin, un gigant de la reconèissença das musicas e danças dichas « tradicionalas » que las aviá dins l’èime. Autra pèrda lo Joan-Maria Carlotti e sa votz tant originala e pivelanta, que mercés a la tecnica nos demòra. Pel teatre es l’Andrieu Neyton, autre provençau, que daissèt los trastets. Foguèt un magician dau teatre d’òc e trabalhèt fòrça amb lo Robert Lafont. Dins la tièra daus mercés rementam l’auvernhàs Gustau Alirol que s’afanèt sens relambi a portar Occitania en politica, òbra tan malaisida dins un país d’autisme centralista. De notar la capitada bèla de l’annada Max Roqueta engimbrada per la Comuna e la Metropòli de Montpelhièr. Sembla un cambiament plan positiu dins lo biais de considerar l’occitan qu’es portaire d’avenidor.
Enfin doblidam pas que s’acaba lo centenari de la naissença de Marcela Delpastre poetessa e escrivana lemosina que portarà per sempre au mai naut la lenga nòstra. A costat d’aquò un an marcat per l’estancament plan vesidor dau pauc de decentralizacion qu’aviam.
Una frasa farà data dau president d’Erau en dire que pel Departament la cultura es pas obligatòria. Lo hic es que la sola accion per l’occitan es la das collectivitats. Atau la menaça es grandarassa d’aitant que sèm sens ges de sosten de l’Estat que contunha amb afan son accion lingüicida. Interdiccion confirmada pel Conselh d’Estat d’emplegar las lengas « regionalas » dins las collectivitats emai amb la revirada au francés !
Ongan tamben China impausèt pertot lo mandarin. Siam glorioses, vaquí enfin un domeni ont seguisson las piadas e lo modèl de França. De segur sèm amb los « Grands » que lo Trump faguèt tot parièr ongan amb las lengas indianas.
Vegèrem pasmens d’eveniments que dessenhan una tendéncia positiva. Atau l’adopcion au Senat e gaireben a l’unanimitat dau rapòrt plan favorable per nòstras lengas. Aquò foguèt refortit per l’enquèsta de l’IFOP que confirma un sosten a 77 % de la populacion per la reconeissença oficiala de nòstras lengas. L’exacte opausat de çò que fa l’Estat. Tanben una ofèrta bèla dau Francis Cabrel, una cançon novèla « Un grama de tèrra » cantada en 8 lengas regionalas. Enfin e mai que tot, la capitada en octòbre de la manifestacion das « Carrieras Occitanas » engimbrada per d’occitanistas joves e nhacoses sembla d’entamenar un temps novèl per la lenga-cultura nòstra. Que l’an que ven nos pòrte grand ben.
REVUE OCCITANE DE L’ANNEE
Nous vivons une époque de vitesse et plus encore d’accélération permanente. Les portables son devenus des machines d’asservissement qui nous harcèlent sans cesse. Tout de suite et vite-vite sont des injonctions permanentes. Et avec la vitesse nous perdons la mémoire. Aussitôt vu, aussitôt remplacé, oublié, évanoui. L’urgence du présent efface le passé qui requiert de se poser un peu pour en reprendre le fil. C’est ce que nous ferons aujourd’hui pour cette année du quart de siècle. Imaginons en 1925, tout ce que ce XXe siècle a vécu avec des guerres coloniales, la boucherie de 14-18, puis les Années Folles, et des changements sidéraux dans l’art et les techniques.
Pour notre 2025 nous nous limiterons au domaine occitan qui est peu étudié et encore moins publicité. Commençons d’abord par ceux qui sont partis, et d’y penser nous rappelle avec plaisir ce qu’ils nous ont apporté d’élan et de génie. Alors saluons Pierre Corbefin, un géant de la reconnaissance des musiques et danses dites traditionnelles qu’il portait au plus profond de lui-même. Autre perte Jean-Marie Carlotti et sa voix si originale et fascinante qui nous reste grâce à la technique. Pour le théâtre ce fut André Neyton, un autre provençal, qui laissa les tréteaux. Il fut un magicien du théâtre d’oc et travailla beaucoup avec Robert Lafont. Dans la liste des mercis, rappelons l’auvergnat Gustave Alirol qui s’employa sans relâche à porter l’Occitanie en politique, œuvre si difficile dans un pays frappé d’autisme centraliste. A noter la grande réussite de l’année Max Rouquette organisée par la Ville et la Métropole de Montpellier. Cela paraît indiquer un changement tout à fait positif de leur façon de considérer l’occitan qui est porteur d’avenir.
Enfin n’oublions pas que s’achève le centenaire de la naissance de Marcelle Delpastre, poétesse et écrivaine limousine qui portera toujours au plus haut notre langue. A côté de cela une année marquée par la paralysie bien visible du peu de décentralisation que nous avions. Une phrase fera date du président de l’Hérault disant que pour le Département la culture n’est pas obligatoire. Le hic, c’est que la seule action pour l’occitan est celle des collectivités. Ainsi, la menace est-elle très grande d’autant que nous demeurons sans aucun soutien de l’Etat qui continue avec énergie son action linguicide. Interdiction confirmée par le Conseil d’État de l’emploi des langues « régionales » dans les collectivités même avec la traduction en français ! Cette année aussi la Chine imposa partout le mandarin. Soyons glorieux, voilà enfin un domaine où ils suivent le modèle de la France. Il est certain que nous côtoyons les « Grands » puisque Trump à fait cette année la même chose pour les langues indiennes.
Nous avons observé néanmoins des événements qui dessinent une tendance positive. Ainsi l’adoption au Sénat et pratiquement à l’unanimité du rapport très favorable pour nos langues. Cela fut renforcé par l’enquête de l’IFOP qui confirme un soutien à 77 % de la population pour la reconnaissance officielle de nos langues. L’exact contraire de ce que fait l’État. Aussi un cadeau de Fancis Cabrel, une chanson nouvelle Un gramme de terre chantée dans huit langues régionales. Enfin et plus que tout la grande réussite en octobre de la manifestation des « Carrieras Occitanas » organisée par des occitanistes jeunes et pleins d’énergie qui paraît bien commencer un temps nouveau pour notre langue-culture. Que l’an que ven vos pòrte grand ben.