A l’escasença d’Escala a Seta 2026, los organizators del vilatge lengadocian, en associacion amb lo CREO Lengadòc, prepausèron un concors de poèmas en occitan sul tèma : “La Mar”.
Aquel concors a per mira de valorizar la lenga occitana dins l’imaginari maritim que fa partida del patrimòni cultural setòri e lengadocian.
Sylvan Chabaud, ensenhant-cercaire al departament d’occitan de l’Universitat de Montpelhièr Paul-Valéry, autor, musician e actor engatjat de la cultura occitana contemporanèa, faguèt l’onor de pairinar aquel concors.
Quatre categorias :
- Cicle 2 : CP – CE1 – CE2
- Cicle 3 : CM1 – CM2 – 6ena
- Cicle 4 : 5en – 4en – 3en
- Licèu
- Universitat e cercles occitans adults
- Categoria suplementària per las classas d’iniciacion (primàrias)
Critèris d’avaloracion
- Respècte del tèma.
- Qualitat de la lenga occitana.
- Creativitat e originalitat.
- Musicalitat, ritme, imatges poetics.
- Presentacion del tèxt.
- Per la categoria de las classas d’iniciacion, los meteisses critèris seràn avalorats amb la particularitat d’aver un poèma en francés que conten de tèrmes occitans utilizats en francés dins lo mond maritim o de l’estanh.
Un cent cinquantenat de poèmas foguèt mandat.
Avèm l’onor de vos anonciar que doas classas de la Calandreta Dau Chivalet participèron e foguèron primadas.
Cicle 2 (CP – CE1 – CE2)
La mar – Clamença Taillandier (Calandreta Dau Chivalet, Montpelhièr)
La mar – Agathe (Vilanòva-de-Besièrs)
La mar – Pruna Serres-Casanova (Calandreta Dau Chivalet, Montpelhièr)
Cicle 3 (CM1 – CM2 – 6en)
Lo Pichon Marin – Rodric Willot (Calandreta Dau Chivalet, Montpelhièr)
La Marina – Lucina Vanvert (Calandreta Dau Chivalet, Montpelhièr)
La Marina de Seta – Mei Gademer-Lopez (Calandreta Dau Chivalet, Montpelhièr)
La ceremonia de remesa dels prèses se debanèt lo dijòus 2 d’abril de 2026 a 14h30 sus l’empont del vilatge lengadocian – Escala a Seta en preséncia dels membres de la jurada :
Sylvan Chabaud, poèta e musician e ensenhant a l’universitat Paul Valéry de Montpelhièr,
Marie-Jeanne Verny, presidenta CREO Lengadòc,
Christophe Causse, inspector d’acadèmia en occitan,
Boris Bellanger elegit a la comuna de Montpelhièr.
Un chic impressionats, los mainatges de CP nos faguèron l’onor de legir lor poèma sus l’empont.
La ceremonia se perlonguèt dins la convivialitat amb un vespralh (aurelhetas e chucs de fruches) e un balèti per far viure amassa la lenga e la cultura occitanas !
Felicitam totes los participants e particularament los de la nòstra escòla e mercejam la còla organizatritz.
Annia Pla
Regenta classa GS/CP
Calandreta Dau Chivalet