Dissabte 30 de mai, dins la seguida de la mobilizacion organizada dempuèi qualques setmanas, Scola Corsa aviá lançat una crida a manifestacion.
Scola Corsa es la 6ena ret de federacion d’associacions per un ensenhament immersiu.
Nascut en 2021, amb lo sosten d’ESKOLIM, ISLRF e subretot de la collectivitat territoriala de Corsega.
A l’ora d’ara, son 5 escòlas en immersion, mai de 200 pichons e de projèctes de dubertura un pauc de pertot sus l’isla.
Per permetre de perseguir lo desvolopament an de besonh del manten de l’ajuda de la collectivitat (risca amb l’intervencion de la prefectura) mas a tanben de mejans de l’estat (coma nosautres e totas las rets)
Al delà de las revendicacions, dissabte foguèt l’escasença de veire un pòble entièr (familhas, ancians, elegits de totes partits e nivèls) sosténer l’ensenhament dins la lora lenga, e aquò, vos pòdi dire qu’es un moment que val lo còp d’èsser viscut.
Dins lo calma, la fiertat, gaireben 3000 personas se son trobadas dins las carrièras de Bastia.
Sabèm pas encara exactament çò que serà anonciat per los diferents servicis de l’Estat, mas es ja una capitada.
E segurament, un punt fòrça positiu dins los debats que van començar dins pas gaire amb lo tèxte prepausat per un cambiament de constitucion e la reconeissença de l’autonomia, d’escambis de seguir..
Cristèla Simonato