APRENE, establiment d’ensenhament superior encargat de la formacion dels ensenhaires de las escòlas Calandreta, es abilitat a recebre lo sòlde de la taxa d’aprendissatge per 2026.
En causissent d’afectar aqueste sòlde a APRENE, via la plataforma SOLTéA, contribuissètz concretament a la transmission de la lenga e de la cultura occitanas a las generacions novèlas, atal coma a la formacion dels futurs ensenhaires de las escòlas Calandreta.
Aqueste sosten representa pas cap de despensa suplementària per vòstra estructura : vos cal sonque causir APRENE coma beneficiari al moment de l’afectacion d’aquesta taxa.
Los periòdes de reparticion per 2026 son dobèrts del 26 de mai al 21 d’agost, puèi del 3 de setembre al 21 d’octobre.
Totas las informacions utilas figuran al visual çai-jos.
Mercés per l’atencion portada a aquesta publicacion, e al plaser d’escambiar se aqueste sosten fa resson a las valors de vòstra estructura.
Amandina Garcia
