Encastre e besonhs identificats
►Los regent·a·s an de nivèls e d’usatges numerics fòrça diferents. Las aisinas, los sistèmas operatius e los servicis en linha utilizats son eterogenèus, çò que complica la cooperacion, lo partiment de documents e l’acompanhament tecnic. Lo temps disponible per se formar es limitat e las ressorsas adaptadas a l’ensenhament immersiu occitan son encara dispersadas.
La formacion deu doncas combinar una sensibilizacion als enjòcs del numeric liure, d’apòrts tecnics concrets e fòrça mesas en practica ligadas a las situacions professionalas dels participants.
Objectiu(s) de formacion
►Utilizar Estelum per organizar, partejar e sincronizar de ressorsas professionalas.
►Produsir de documents, images, enregistraments àudios e vidèos amb de logicials liures adaptats.
► Identificar los principis essencials del logicial liure, de la proteccion de las donadas e del RGPD.
►Identificar los usatges professionals que pòdon èsser migrats cap a Linux e preparar aquesta migracion sens pèrda de donadas.
►Seleccionar e experimentar de jòcs o logicials educatius pertinents per la classa.
►Cooperar amb de practicas, de formats de fichièrs e un vocabulari tecnic comuns dins lo movement.
Competéncia(s) visada(s)
►Causir, utilizar e integrar d’aisinas numericas liuras, cooperativas e respectuosas de las donadas personalas dins sa practica professionala e pedagogica.
Contengut
► Modul 1 — Cooperar amb Estelum (3 oras)
Préner en man las foncionalitats essencialas d’Estelum per trabalhar en equipa : compte personal, contactes, fichièrs partejats, Camin de Lenga, Nòtas, Talk, agenda e sincronizacion. Produccion d’un espaci d’equipa de pròva.
► Modul 2 — Produire amb de logicials liures (6 oras)
Crear de supòrts pedagogics reutilizables amb de logicials liures : document estructurat, visual, àudio e vidèo. Aprene tanben a causir los formats e los mòdes de partiment adaptats, segurs e respectuoses de la vida privada.
► Modul 3 — Descobrir e preparar una migracion cap a Linux (6 oras)
Avalorar la compatibilitat del material e dels usatges professionals amb Linux, realizar las salvagardas necessàrias, ensajar o installar un sistèma e definir un plan de migracion individual segur.
► Modul 4 — Jòcs e aisinas numericas educativas (3 oras)
Seleccionar e testar una aisina numerica segon de critèris pedagogics, tecnics e etics, puèi l’integrar dins una sequéncia de classa adaptada als objectius d’aprendissatge e als escolans.
Metòdes pedagogics
► Pedagogia activa centrada sus de situacions professionalas realas.
► Traçabilitat de las produccions dins un espaci Estelum dedicat.
► Alternància d’apòrts corts, demonstracions, manipulacions e produccions.
► Diferenciacion per nivèl : itinerari de basa e desfises avançats.
► Trabalh en binòmis o pichons grops per afavorir l’ajuda mutuala.
► Reutilizacion de documents e donadas non sensiblas dels participants.
Modalitat e durada
► Presencial
► Luòc previst : de definir
► Datas : 3 jorns a definir
► Las datas son consultablas sus l’espaci numeric de trabalh ESTELUM / Calendar (ligam en bas de pagina).
► L’emplec del temps serà comunicat amb lo convit un còp l’inscripcion validada.
Modalitat d’avaloracion
► L’avaloracion serà realizada a quatre moments :
- Abans la formacion : questionari de besonhs e auto-posicionament.
- Pendent los moduls : observacion de las manipulacions e validacion de tascas concrètas.
- A la fin de cada modul : produccion finala e autoavaloracion suls objectius operacionals.
- Après la formacion : retorn d’usatge diferit, envisatjat entre quatre e sièis setmanas après lo modul.
Los critèris principals son : autonomia dins la realizacion de la tasca, adeqüacion de l’aisina a l’objectiu pedagogic, respècte de las donadas personalas, qualitat del partiment e capacitat de transferir l’aquesit dins la practica professionala.
► Enquèsta de satisfaccion
Public(s) / Pre-requesit(s)
► Regents e personals associatius implicats dins l’acompanhament numeric
► Ensenhar o aver la responsabilitat d’un grop d’enfants (periscolar, …)
►Dispausar d’un ordinator personal e, se possible, d’un telefonet. Pels moduls Estelum : aver un compte creat, activat e testat abans la formacion. Pels talhièrs Linux : realizar una salvagarda completa dels documents, senhals e paramètres importants. Respondre a un questionari inicial cort sus los equipaments, los sistèmas utilizats, los besonhs e lo nivèl d’autonomia. Senhalar en amont los besonhs d’accessibilitat o d’acompanhament particulars.
Modalitat e delais d’accès
► Presencial, amb de temps preparatòris o de seguiment en visioconferéncia
► APRENE, jornada confederala o estructura partenària
► 18 oras, organizadas en 4 moduls independents de 3 a 6 oras
► P2, P3 e P5. Las datas seràn publicadas un mes minimum abans la formacion. Son consultablas a l’espaci numeric de trabalh ESTELUM / Calendar.
► Las plaças son limitadas als 10 primièrs inscriches.
► Pendent los seminaris sens albergament, las inscripcions son possiblas fins a una setmana abans la debuta de la formacion, dins lo limit de las plaças disponiblas.
► Pendent los seminaris amb albergament, las inscripcions son possiblas fins a un mes abans la debuta de la formacion, dins lo limit de las plaças disponiblas.
► Las inscripcions de darrièra minuta seràn estudiadas al cas per cas, segon lo tipe de finançament e las eventualas constrenchas logisticas.
► Las sessions de formacion son abitualament garantidas a partir de 7 estagiaris.
Accessibilitat
► Se sètz en situacion d’andicap, APRENE met tot en òbra per vos permetre de participar a nòstras formacions.
► En tant que referenta andicap, Amandina Garcia es disponibla per estudiar las condicions d’accès a la formacion en ligam amb Xavi Ferré, referent Dis-Parièrs.
Referent
►Nicolau Miard
Intervenents
► Joan-Batista Harduin
Tarif / financement
► Formacion continua de las regentas e regents de Calandreta.
► OPCO
Procedura d’inscripcion
► Regent PE, PC o DA : inscripcion per messatge electronic a secretariat@aprene.org
► Regent pòste fòra contracte o salariat non ensenhaire : se sarrar de vòstre emplegaire que farà l’inscripcion al prèp de l’establiment APRENE se valida vòstre projècte de formacion.
► L’inscripcion serà confirmada per messatge electronic.
Contactes
► Corrièl : secretariat@aprene.org
► Telefòne : 04 67 28 75 36
► Adreça : Maison Daniel Cordier, Boite 116, 2 rue Jeanne Jugan, 34500 Béziers
Taus de capitada en 2025-2026
► Non disponible : primièra mesa en òbra de la formacion
Taus de satisfaccion en 2025-2026
► Non disponible : primièra mesa en òbra de la formacion
Consultar « calendar » per aver accès al calendièr global