Aquí una comunicacion de Pèir Lavit, membre del collectiu Carrièras Occitanas :
Carrièras occitanas que s’i torna tà ua navèra manifestacion a Montsegur (Arièja) los 17 e 18 d'octobre de 2026. Dètz ans après las granas manifestacions d'Anem Òc, lo collectiu pan-occitan que contunha d'afirmar l'occitan coma lenga viva, populara e de societat.
L’an passat, tà l’acte I deu movement, un milierat de personas que s’amassèn a Vilafranca-de-Roergue entà tornar bastir l’ostau de Joan Petit. Aqueth moment que’ns a amuishat qu’èram nombrós a nos vóler engatjar. Que sembla uei indispensable de’s poder tornar acampar a l’entorn d’un navèth temps reïvindicatiu e de balhar arsec a ua organizacion qui sostien l'idea que nse hè necèra d'aver diversitat culturau tant com diversitat ecologica o umana. Carrièras occitanas que defen ua lenga tà tots, qui'ns permeterà de créisher amassa en ua societat ubèrta, conscienta deu sué environament tant com de la sua istòria.
Ua manifestacion de las granas que’s debanarà lo dissabte 17 d’octobre au vrèspe e que serà acompanhada d’accions, de concèrts, de conferéncias, de talhèrs e d’escambis dab d’autes pòbles en luta a tot long de la dimenjada.
La causida de Montsegur n’ei, segur, pas un azard. A l’òra de l’inscripcion de çò qu’apèran ara « las Hortalessas reiaus capecianas deu Lengadòc » au patrimòni mondiau de l’UNESCO, que’s pòt questionar la desacordança entre l’energia botada tà hèr arreconeisher aqueste patrimòni materiau, e l’invisibilizacion deu sué environament culturau, qu’ei a díser lo patrimòni immateriau que representa la lenga e la cultura occitanas. Tà Carrièras occitanas, Montsegur qu'ei, prumèr, un lòc de refugi que simboliza uei lo dia la resisténcia de totas las minoritats fàcias au centralisme de l’estat francés. Au contra d’aqueth procediment de museïficacion, qu’ei important de tornar hèr de Montsegur un espaci viu e d'emancipacion, d’afirmar que l’occitan qu’a d’estar ua lenga vededera e de societat.
Pr’aquò, l’equipa organizatora qu’apèra a s’arretrobar nombrosas e nombrós a Montsegur la dimenjada aquesta, tà bastir amassa un far sus aqueste puei, qui esclaire Occitania tota e que'ns obresca au monde. Mes un pòble e pòrta collectivament sa cultura, mes ei capable de s'organizar, de crear, d'arcuélher e de partatjar.
Mei d’entresenhas e programa detalhat a viéner suu siti internet carrieras-occitanas.eu