Revirada de l’aficha « dreits » Dulala/Unicef
En ligam amb l’associacion Dulala (D’une Langue à l’Autre, dulala.fr/lassociation/) foguèri convidada a revirar una aficha per la jornada europèa de las lengas. Un trabalh menat per Dulala en partenariat amb MyUnicef, que se pòt descobrir suls sites respectius de las doas estructuras :
https://my.unicef.fr/article/parler-sa-langue-vivre-sa-culture-un-droit-a-decouvrir-avec-dulala/
Sul site Dulala, en davalant un pauc, traparetz aquel convit
Trantalhetz pas de clicar…e de participar !
Un còp que ven, vos parlarai del trabalh fach amb aquelas afichas…
E se ven pas, lo còp, venètz puslèu vos marcar en formacion familhas de lengas !
Telecargar l’aficha en occitan (PDF)
Revirada de la « carta parents-escòla » 2026
La sabèm ben, l’importància de la socializacion de la lenga. E quitament se pensam (a rason !) que la màger part dels parents de calandrons (en çò nòstre en tot cas) legiràn pas en occitan çò que pòdon legir en francés, ensajam de relevar l’escomesa tant coma se pòt.
Segur, que nos estalviam la susor de traduire circularas, bulletins e autres programas : lo temps de revirar la debuta del primièr paragraf de l’abans prepaus, te n’an ja pondut 3 o 4 novèls que rendon ton trabalh obsolet !
Mas, de temps en quora, un jorn de pre-dintrada, un jorn de granda forma e d’umor ensolelhada, perqué pas sortir la « carta parents-escòla » en occitan ? Lo tèxt es cortet, sens grandas dificultats linguisticas, e las aisinas de l’ora d’ara permèton d’adobar un pdf… en esperant que lo quite ministèri nos porgisca la version modificabla o, encara melhor, la version dins la nòstra lenga !
Telecargar la carta parents-escòla 2026 en occitan (PDF)
Corina Lheritier