Comunicat de premsa 25/02/2022
Calandreta aculhís Scola Corsa del 28/02 al 2/03
Resumit :
Lo movement Calandreta aculhis a Besièrs del 28 de febrièr fins al 2 de mars una delegacion de Scola Corsa compausada d’un vintenat de personasacompanhadas del deputat europenc François Alfonsi.
Scola Corsa dubriguèt doas escòlas a la dintrada de setembre e nedubrirà d’autras tre la dintrada de 2022. Es important per eles de rencontrar de parents e associatius de lasescòlas Calandreta qu’existisson a Besièrs dempuèi 1980. La delegacion rencontraegalament los representants de l’establiment besierenc APRENE, afilhata l’I.S.L.R.F. que son sèti es tanben a Besièrs, per s’enriquir de l’experiénça d’aquelas estructurascap a la formacion dels professors de las escòlas immersivas en lengas regionalas.
——————————————
Joan-Lois Blenet, President de l’Institut Supérieur des Langues de la République Française (ISLRF), e co-president de Calandreta, la ret d’establiments d’ensenhament immersiu en lenga occitana, convidèt François Alfonsi, eurodeputat, e una delegacion de Scola Corsa, la ret d’ensenhament immersiu en lenga còrsa, a venir passar qualques jorns a Besièrs, del 28/02 al 2/03.
Scola Corsa amb sas doas escòlas de Biguglia e Bastia rejonhèt la federacion Eskolim e son centre de formacion dels mèstres, l’ISLRF, en setembre de 2021. Dempuèi 1995, totes les establiments d’ensenhament immersiu en lengas regionalas i son a l’òbra, del basc (Seaska) al breton (Diwan), en passant pel catalan (La Bressola), las lengas d’Alsàcia e de Mosèla (A.B.C.M. Zweisprachigkeit) e l’occitan (Calandreta).
A Besièrs, l’establiment d’ensenhament superior APRENE, afilhat tanben a l’I.S.L.R.F., e cargat per Calandreta d’organizar la formacion de sos ensenhaires, prepausa una annada de formacion cooperativa anteriora al master dels Mestièrs de l’Ensenhament, de l’Educacion e de la Formacion, que met en òbra la pedagogia Calandreta.
Lo rencontre entre Corsega e Occitania, entre Scola Corsa e Calandreta, a la prima de 2022 a per objectiu de permetre d’escambis tant al nivèl de la pedagogia utilizada dins las escòlas immersivas besierencas qu’al nivèl de la creacion d’estructuras de formacion pels futurs ensenhaires.
Aqueles partenariats son un sosten indispensable pel desenvolopament de l’ensenhament immersiu en lengas regionalas mas tanben per la formacion d’ensenhaires capables de menar aquel ensenhament qu’acompanharà los escolans cap a una vertadièra competéncia lingüistica activa, en tot lor portar las coneissenças previstas pel còdi de l’Educacion.
Ligam cap a l’article del Jornalet del 3 de març de 2022
