La formacion continua interròga los desirs dels ensenhaires. Avèm percebut sa necessitat e sa pertinéncia, e nos sèm estacats a respondre a totas las sollicitacions que provenián del còs ensenhant. Uèi avèm una formacion contunha plan diversificada tan dins sa forma coma dins son contengut. Dins l’encastre d’aquela formacion continua originala, dels grops d’ensenhaires motivats an desirat anar mai luènh e son venguts uèi « referents » al près dels autres mas tanben del movement en general.
Dempuèi 1997, una convencion ministèriala permet una part del finançament de la formacion continua dels regents de las escòlas immersivas Bressola, Calandreta, Diwan, Seaska e ABCM-Zweisprachigkeit.
Pel movement Calandreta, es l’establiment APRENE que se carga del programa e de la mesa en òbra de las accions de formacion continua.
Programa 2023-2024 de la formacion continua dels regents de Calandreta
Lo programa 2024-2025 foguèt validat lo dilluns 17 de junh pel Conselh Confederal. Serà mes en linha al mes de julh. I traparetz, per cada accion, un descriptiu complet e detalhat.
