Quadre de l’annada de PES :
L’establiment d’ensenhament superior occitan APRENE es afiliat a l’Institut Superior de las Lengas de la Republica Francesa.
Creat en 1997, l’Institut Superior de las Lengas de la Republica Francesa regropa las sièis rets d’escòlas immersivas en lengas regionalas per la mesa en plaça de la formacion de sos ensenhaires. Aquelas sièis rets son A.B.C.M.-Zweisprachigkeit per l’alsacian/mosellan, Seaska pel basc, Diwan pel breton, La Bressola pel catalan, Scola Corsèt pel còrs e Calandreta per l’occitan.
Una convencion liga l’ISLRF amb lo Ministèri de l’Ensenhament Superior.
Los professors de las escòlas immersivas Calandreta respèctan e meton en òbra lo referencial de competéncias del professor de las escòlas en France11(Referencial de las competéncias professionalas dels mestièrs del professorat e de l’educacion NOR : MENE1315928A arrestat del 1-7-2013 – J.O. del 18-7-2013 MEN – DGESCO A3-3).
Concebon lor ensenhament en aplicacion d’aquel referencial, e de la carta Calandreta2 (votada per l’AG de Limós, 21/05/2005 ). Dos camps, l’immersion e la pedagogia, son particularament trabalhats dins la formacion iniciala e continua.
Dispositiu de formacion :
Los candidats admeses al concors benefícian d’un contracte o d’un agrat provisòri e complisson un estagi d’un an dins un establiment Calandreta.
Aqueles mèstres contractuals o acceptats a títol provisòri (o professors d’escòlas estagiàrias) benefícian d’una formacion adaptada a lors besonhs e definida en debuta d’annada.
Los professors d’escòlas estagiàrias titulars d’un master MEEF son afectats a temps plen dins un establiment e obtenon un crèdit de 10 a 20 jorns de formacion tal coma los laurejats titulars d’un autre master que justifican d’una experiéncia professionala significativa d’ensenhament.
Los professors d’escòlas estagiàrias titularas d’un autre Mastèr, o que ne son dispensats, o titulars d’un títol o diplòma reconegut equivalent, son afectats a mièg temps en establiment e benefícian d’un dispositiu de formacion adaptat a lors besonhs sul temps en alternança.
Dins los dos cases, lo plan de formacion individualizat es transmés al Rectorat per aprobacion.
L’establiment d’ensenhament superior APRENE organiza e avalora aquela formacion. A per objectiu principal de questionar, completar, aprigondir e melhorar la practica pedagogica del PES.
1http://www.education.gouv.fr/pid25535/bulletin_officiel.html?cid_bo=73066
2http://calandreta.org/fr/charte-des-calandretas/