L’associacion del Champ P.I., que s’investís dins l’organizacion d’estagis de formacion e de rencontres amb de practicians de la Pedagogia Institucionala, vos convida a participar a sa onzena Jornada de Rencontres dins los locals de la calandreta dels Polinets a Pesenàs (34120), 2 carrièra Joan Vigo, lo dissabte 25 de genièr de 2025 de 9h fins a 17h.
Aquesta jornada s’adreça a totas las personas sensibilizadas a l’institucionalizacion del camp pedagogic dins la mira de far conéisser mièlhs las Tecnicas Freinet e la Pedagogia Institucionala. Una escasença de pausar l’escaucèl per descobrir o questionar la practica del jornal de classa e dels autres luòcs e aisinas en interaccion.
La jornada s’articularà notadament a l’entorn de botigas de discutidas, lectura de monografia e tempses d’escambis pedagogics. A posita, una taula d’exposicion permetrà a cadun e caduna de portar e consultar tota mena de documents e materials per la classa.
Las entresenhas totas son aquí : https://champ-pi.com/actualites. Mèfi que vos calrà inscriure abans lo 18 de genièr.
S’i vos sètz pas encara renduts, vos convidi per anar visitar lo site https://champ-pi.com. I trobaretz l’actualitat de l’associacion, de testimoniatges, d’escriches tecnics, de monografias… una mina de ressorsas per aviar o agusar sa practica. E s’aquò vos interèssa podètz totjorn comandar lo libre Moissons du Champ PI. Institutions, techniques et outils pour les classes d’aujourd’hui paregut en mai de 2024 https://www.helloasso.com/associations/association-champ-pi/boutiques/librairie.
Enfin, garatz que, tres jorns abans, en partenariat amb APRENE se debanarà « Les après-midis du Champ PI ». Rendètz-vos lo dimècres 22 de genièr de tantossada a la Ciutat Transmetem de Pau, dins los locals de la calandreta Paulina per un autre momenton de rencontres e de partatge de practicas professionalas. Las calandrinas Aprene-1 e Aprene-3 en seminari de formacion iniciala la setmana tota a Pau seràn presentas. Notatz pasmens qu’aquesta tantossada es obèrta a totas las personas interessadas, regents de Calandreta e del public, educators, estudiants e parents d’escolans. Trobaretz totas las informacions a la pagina d’acuèlh del site del Champ P.I. Aquí tanben, lèu lèu que la data limita d’inscripcion es fixada al 15 de genièr.
Aquò’s plan vist paulins : TRANSMETEM !
Xavi Ferré
article redigit en occitan lengadocian
