En defòra de la classa, dels establiments, dels eveniments culturals, los occitanistas, quin que siá lor nivèl de lenga, an de besonh de legir, de se banhar un pauc cada jorn dins lo chuc de la lenga.
E dempuèi d’annadas, una pichona còla relèva aqueste desfís de prepausar d’actualitats en occitan amb Lo Jornalet.
Accessible a totes, lo quotidian occitan d’informacions, recampa d’editorials, d’articles de fons e de mai en mai de contribucions de legidors passats de l’autre costat.
Lo Jornalet es la sola aisina preciosa per nos informar dins la diversitat dels nòstres parlars occitans.
Una pròva bèla qu’es possible de bastir un projècte dins la lenga e de la socializar.
Vos encoratgi totes a prene lo reflèxe de dubrir aqueste siti regularament per se regalar dels mots e de la musica (coma per la nòstra nòva letra, los articles son disponibles a l’escota) de la lenga.
E perqué pas, prepausar d’articles.
Cristèla Simonato
Article redigit en lengadocian