Lo movement Calandreta fisa la formacion de sos regents a l’establiment d’ensenhament superior APRENE.
Lo camin pedagogic s’endralha amb las diferentas formacions que menan a la titularizacion, puèi contunha amb un catalòg de formacions actualizat cada annada.
Aquel catalòg de formacion continua se bastís mercé una cooperacion al dintre del movement.
A la prima, APRENE manda un apèl a projèctes. Permet als regents de prepausar una formacion que vendrà completar lo programa.
Totas las proposicions son estudiadas al nivèl pedagogic e financièr per ne poder faire una presentacion al burèu Confederal que validarà lo contengut transmés al Ministèri.
Los regents que faguèron las proposicions tenon la casqueta de referent e, long de l’annada, trabalhan amb las còlas administrativa e pedagogica de l’establiment per poder porgir al regentum una formacion continua de qualitat que respond als besonhs mas tanben a las envejas.
Mercé l’engatjament dels referents, lo movement pòt prepausar un programa plan ric dins mantun domeni.
https://aprene.org/oc/formacion-continua-24-25/
La prima es a mand d’arribar…. o auretz comprés, es lo moment pels regents de soscar als projèctes per l’annada escolara venenta !
Amandina Garcia