Coma l’avèm ja evocat dins aquesta nòvaletra, lo collòqui venent de l’ISLRF se debanarà sul nòstre territòri Occitan.
Cercaires de mantuna disciplina, pedagògs e actors de la transmission de las lengas autoctònas de França seràn acampats a Carcassona los 21 e 22 de març per presentar lors recèrcas.
Es un eveniment important, mercés a la mesa en preséncia d’aqueste monde e las soscadissas que pòdon alimentar pel nòstre movement.
Per l’ora, pas gaire de mond de Calandreta se son marcats, es encara temps d’o far per almens una jornada.
Vos convidam totes a venir encontrar, escotar e partejar amb intervenents e public del temps d’aquestes rencontres de l’immercion en Occitània.
colloqueISLRF2025@calandreta.org
Cristèla Simonato
