Adissiatz plan !
Aqueste còp un article per vos parlar d’una aventura de classa. E òc, nautres regents vivèm totjorn d’aventuras « extraordinàrias » dins las nòstras classas!
Amb los mainatges de cicle 3, avèm realizat ongan un album documentari sul rugbí de XIII.
L’istòria comencèt 3 ans a après lo periòde Covid quora lo Comitat Tarnés de rugbí de XIII prepausèt a las escòlas d’intervencions per far descobrir aqueste espòrt.
Amb las collègas, avèm pas soscat tròp longtemps e diguèrem de òc !
Los mainatges foguèron plan contents e l’an passat decidiguèri d’anar mai luènh ; es a dire de parlar de l’istòria del XIII e d’unes grands clubs.
L’afar rotlèt talament plan qu’espeliguèt aquesta idèia d’album : un album realizat pels mainatges amb Galinet, la nòstra mascòta que poiretz descobrir dins l’album.
E mai, i a tanben un fum de suspresas ! Vos pòdi pas tot dire aicí.
Se lo volètz crompar, res de complicat, basta de sègre lo ligam seguent : https://www.helloasso.com/associations/federation-calandreta-du-tarn-
81/boutiques/album-rugby-xiii
E per la liurason, pas de laguis tanpauc, la ret Calandreta fonciona plan !
Alara, vos disi bona lectura e plan segur de plan bonas vacanças a totis,
Emilie Bret
