Entèsta

Prima de 2020

---

Las inscripcions a la jurada son dobèrtas !

La jurada ? Aquò es l'examèn que i a per intrar en formacion per dire de far d’ensenhaire(a) a Calandreta, al primari o al segondari.

L’inscripcion se fa en linha a partir del sit aprene.org

Sul sit de l’establiment d’ensenhament superior APRENE, trobaretz totas las entressenhas per ne saupre un pauc mai a prepaus d'aquesta formacion intensiva e exigenta que mena al mestièr de regent o de professor a Calandreta. Formacion qu'es indispensabla. L’establiment APRENE ten ara pro d’annadas d’experiéncia e sas formacions son plan conegudas e reconegudas. A la capacitat de formar lo mond al mestièr d'ensenhaire en immersion e de preparar los transmeteires de la lenga occitana de deman.

La pedagogia cooperativa de dobertura multiculturala e interlingüistica es al còr de la formacion.

Los candidats an fins al 2 de junh per s'inscriure. 

Parlatz ne dins las escòlas e a vòstre entorn. Val lo còp de quichar per dire de s'inscriure e de participar a l'entreten, còsta pas res e es l'escasença d'escambiar e de respondre a las questions, a distància !

---

Lo dimècres 27 de mai, serà la presentacion dels projèctes a mira cooperativa dels regents  que clavan lor formacion iniciala.

Coma un pas dins lor camin linguistic e pedagogic, nos presentaràn la frucha de lor trabalh e de lor recèrca.

Programa detalhat a posita sul sit del Cirdòc

---

Obrador d'Aprene

Nos traparem cada dimècres a la seguida, de 18h a 19h30, dins la meteissa sala virtuala, per partejar las recèrcas de los de Calandreta dins l'encastre del Mastèr MEEF amb l'ESPE de Corsega. Serà dobèrt a tot(e)as !

 

3 de junh :  "pedagogia, cooperacion, e presa en compte del mitan"

10 de junh :  "patrimòni cultural immaterial"

17 de junh :  "metòdes naturals d'aprendissatge e immersion bi-plurilingüe"

 

Vos mandarem pro lèu lo programa detalhat.

---

 

Los darrièrs articles son en linha ! Los podètz legir aquí.

Sul aquel sit podètz tanben consultar las produccions de la còla.

---

ESTABLIMENT D’ENSENHAMENT SUPERIOR OCCITAN APRENE
Ostal de la Vida Associativa – Boita n° 116 - 2 rue Jeanne Jugan 34500 Besièrs
Telefòn 04 67 28 75 36 – Telecòpia 04 67 28 75 39 - aprene@aprene.org - https://aprene.org