Pròva de competéncia linguistica
Es un dispositiu, e de material, fargats per la Societat Catalana de Pedagogia.
Calandreta se religuèt al projècte dos ans a. La primièra annada mai de 20 classas de granda seccion experimentèron aquela pròva de competéncia lingüistica e dempuèi l'an passat es espandit a totes los regents de granda seccion qu'o desiran.
Ongan, dins l'encastre de la formacion continua una còla se recampèt per trabalhar suls supòrts utilizats, per i portar de melhoranças e los adaptar en foncion dels ressons de las annadas passadas.
A la seguida, la Societat Catalana de Pedagogia, en collaboracion amb APRENE, organiza en Catalonha dempuèi tres ans de jornadas de formacion al plurilingüisme a travèrs lo programa Familhas de Lengas.
Una vidèo, en linha sul sit d'Aprene, mòstra lo debanament d'aquelas espròvas.
