Dintrada de 2019

8èn collòqui de l'ISLRF !

Las 8ènas jornadas de l'immersion de l'ISLRF se tendràn a Baiona lo 18 e lo 19 d'octòbre de 2019.

La còla de SEASKA a aprestat aquel eveniment titolat : Murgiltzea : 50 urte - Emaitzak, erronkak & perspektibak / L'immersion, 50 ans - Resultats, enjòcs e perspectivas

Miriam Bras, sòcia del conselh scientific d'Aprene, farà una comunicacion a prepaus d'expreriéncias plurilinguas. Tres paissèls-ajudaires presentaràn de comunicacions a prepaus de plurilinguisme e d'avaloracion de la lenga occitana.

 Consultar lo programa complet.

La dintrada a APRENE...

Ongan l'establiment Aprene aculhís 11 Calandrinas en annada d'Aprene1 vengudas d'occitania tota (Bigòrra, Bearn, Lengadòc, Lemosin, Provença e Auvèrnhe). Long de l'annada, la formacion las encaminarà cap al mestièr de regenta a Calandreta.

L'establiment compta tanben una còla de 5 PEE, regentas que venon de capitar lo concors e que van ongan cap a la titularizacion. Lo 27 de mai, al Cirdòc, presentaràn lor projècte a mira cooperativa que partejaràn amb vos al site nòstre e dins la Maleta del portalh Occitanica del Cirdòc.

Mercé la convencion signada entre l'ISLRF e l'ESPE Pasquale Paoli de Còrte, Aprene acompanharà un vintenat de regents cap a la validacion del Master 2 MEEF.

Lo CFPO a publicat lo programa de la formacion continua.

Lo programa 2019-2020 de la formacion continua pels regents de Calandreta es a posita al site del CFPO Région Occitanie e al site de l'establiment APRENE. Convidam los regents a consultar aquel programa e a se marcar en contactar lo despartament APRENE de Contunh.

Lo prèmi literari Calandreta

Onga serà la seisena edicion del prèmi literari Calandreta.

Dins cada cicle, los escolans legisson 4 libres. Devon puèi ne discutir, argumentar e escambiar, abans de votar. L’aprendissatge de la critica literària es al centre del projècte.

 Lo dijòus 7 de mai a Carcassona, se tendrà la passejada Literària. Aquela jornada festiva permetrà de clavar lo trabalh de l’annada mercé encontres e escambis amb los autors, presentacion de las produccions artisticas de las classas e de segur, remesa dels prèmis literaris.

Contacte pel projècte : premi.literari.calandreta@gmail.com

ESTABLIMENT D’ENSENHAMENT SUPERIOR OCCITAN APRENE
Ostal de la Vida Associativa – Boita n° 116 - 2 rue Jeanne Jugan 34500 Besièrs
Telefòn 04 67 28 75 36 – Telecòpia 04 67 28 75 39 - aprene@aprene.org - https://aprene.org