Segonda annada de formacion de regents Calandreta
APRENE 2 es una annada de mesa en pòste dins una classa Calandreta per una confirmacion de capacitat professionala.
La competéncia de validacion del dispositiu es partejada entre APRENE e las Federacions Regionalas.
La validacion d’aquesta annada Aprene2 permet de devenir « regent adralhat » e de s’inscriure al concors de professors de las escòlas. Las escòlas Calandretas e lors usatgièrs, enfants e parents, an de besonh de regents formats a la pedagogia del bilinguisme per immersion, en aplicacion de la carta Calandreta. APRENE i trabalha mercé un cursus de formacion que debuta per l’annada Aprene1.
Descriptiu de la formacion prepausada dins l’encastre del dispositiu APRENE2
Requesits per la formacion
► Annada Aprene1 validada
► Nivèl B2 en occitan del CECRL
Objectius de la formacion
► Aquesir las competéncias necessàrias a la mesa en òbra d’una pedagogia cooperativa.
► Integrar, dins sa practica de classa, los fondamentals de la praxis Calandreta.
► Aquesir las competéncias relativas al nivèl C del CECRL.
► Produsir los documents relatius al nivèl Aprene-2 del referencial portfolio.
Durada de la formacion
► 76 oras en presencial
► 10 oras a distància
Modalitats de la formacion
► 4 seminaris de 3 jorns en presencial,
► 4 sesilhas de trabalh en lenga a distància.
Metòdes pedagogics
► Immersion linguistica e plurilinguisme,
► Tecnicas Freinet e Pedagogia Institucionala,
► Pedagogia de la cooperacion,
► Corses collectius, analisi de practica, mesas en situacion.
Contengut pedagogic de la formacion
Los ensenhaments se declinan en 4 moduls e son tractats en transversalitat :
► Modul 1 : Lenga-cultura occitana
► Modul 2 : Pedagogia e praxis Calandreta
► Modul 3 : Ensenhaments disciplinaris, elaboracion e mesa en òbra dels contenguts d’ensenhament
► Modul 4 : Exercici e percepcion del mestièr, evolucion de la practica, afortiment, formacion continua
Calandreta es un projècte ciutadan. De fait, las tematicas « Laïcitat e valors de la Republica », « Egalitat òmes/femnas » e « Desvolopament durable » i son naturalament abordadas en transversalitat dins los diferents ensenhaments.
Modalitats de validacion de la formacion
La formacion es organizada a l’entorn de 3 aisses :
► Avaloracion continua a partir del referencial de produccions,
► Visitas de classas,
► Validacion del nivèl C1 en lenga occitana.
Tarifa / finançament
Nos consultar.
Via la formacion continua dels regents de Calandreta per los qu’ocupan un pòste contractualizat.
Via los OPCO pels ensenhaires salariats d’una associacion, que son sus un pòste fòra contracte.
Taus de capitada de las 12 darnièras annadas
60 % de validacion tre la fin de l’annada de formacion.
Las personas qu’an validat parcialament o qu’an pas validat benefician sistematicament d’un seguit pedagogic complementari adaptat.
La validacion parciala o la non validacion de la formacion es pas una empacha a la mesa en pòste dins una classa.
Taus d’emplec de las personas validadas
100%
Demoram a posita per respondre a las questions.
04.67.28.75.36 – formacions@aprene.org
Referent de la formacion : Xavi Ferré
Las personas en situacion de andicap son convidadas a nos contactar per avalorar e anticipar los agençaments necites a lor participacion.
Referenta andicap : Amandina Garcia