es lo nom causit per nòstre ENT (Espaci numeric de trabalh) creat en 2018 e qu’es un « Synology Nas ».
Un NAS (Network Attached Storage / servidor d’estocatge en ret), ofrís un endrech centralizat per estocar de donadas dins una ret. Un Synology NAS va mai luènh e permet de crear una nívol privada, « un cloud » privat, en bon francés, per estocar, accedir, salvagardar e partejar de fichièrs liurament e en tota seguretat.
Per rampèl tota donada estocada dins « la nívol » l’es fisicament endacòm. Quand causissèm una nívol per depausar las nòstras donadas (Microsoft, Google,…) lor ofrissèm nòstre trabalh, pensada,… Avèm causit, en investir dins aquel servidor, de nos permetre de mestrejar completament l’utilizacion de las nòstras donadas.
Es estat especialament configurat pels besonhs dels estudiants e dels regents, ofrissent un ensemble complet d’espleches numerics destinats a simplificar la collaboracion e lo despartiment de ressorsas pedagogicas.
Tot regent de calandreta pòt demandar d’i participar, basta de demandar un identificant e un mot de Santa Clara a Joan-Batista (contact@aprene.org) e de signar la carta informatica de l’Establiment APRENE. Los novelaris pòdon egalament aver accès a una part del contengut. Experimentam tanben, amb l’establiment Leon Còrdas, un repertòri partejat entre la còla educativa tota (professors mas tanben animators, administratius…)
Las ressorgas son recaptadas per tematica o per cicle.
Un còla de regents a endralhat l’an passat, una novèla organizacion per simplificar las cèrcas.
Aquel trabalh d’actualizacion regulara es vertadièrament necite vist l’ample de l’aisina que conten pas mens de 600 000 fichièrs dont 200 000 imatges.
L’utilizacion d’Estelum es josmesa a l’aplicacion de la carta informatica. A la mesa en plaça de l’ENT, se fasiá per la signatura d’un document papièr.
Debuta de setembre farem una actualizacion a aquel nivèl : a la primièra connexion de l’annada, vos demandarem de validar o de tornar validar la carta informatica.
Una darrièra novetat es la possibilitat d’accedir a las donadas en partir d’una interfàcia novèla : Next Cloud que nos permet de contunhar aquel trabalh de cèrcas d’alternativas en logicials liures que quitam pas de perseguir. Es un enjòc de societat màger.
Pels novèls utilizators, una notícia plan ajudaira es a posita a la pagina services.aprene.org
Joan-Batista Harduin
Felip joulié
Amandina Garcia