Qu’ei lo tèmi deu dia d’estudi, organizat per EXPERICE e APRENE, lo 16 d’octobre de 2024. A l’entorn de las diferentas taulas redondas de París a Besièrs en passant per Carcassona, Montpelhièr e Pau, que s’amassèn cercaires, practicians, parents de calandrons e tanben representants d’estructuras e de movements associatius en carga de l’arcuelh e de l’acompanhament de personas en situacion de migracion (La CIMADE Besièrs – IsadCOS Pau).
Se lo politic, lo sociau e lo pedagogic que tribalhan sus plans diferents tecnicament, daubuns utís de la pedagogia que podon estar presentats e partatjats e discutits. Aqueth temps d’escambis que hiquè en relièu la pertinéncia deu doble camin lingüistic e pedagogic desvelopat en Calandreta e los utís associats per fin de bastir un arcuelh tan digne com eficaç tà mainatges en situacion de migracion. L’interès d’aqueth caminament qu’estó tanben esclairat per los parents de calandrons presents o intervistats qui an podut contar lor caminament sensible e la plaça de Calandreta dens aqueth parcors singular.
Aqueths testimoniatges que seràn lèu disponibles sus la platafòrma qui basteish lo laboratòri EXPERICE en l’encastre deu projècte ERASMUS-VOLARE. Aqueth ric matiau d’escambi que permet d’imaginar navèths partenariats e seguida locaument. Mercés aus organizators e aus participants per aqueth matiau d’estudi cooperatiu.
Lo 16 de noveme en seguida que’s debanarà a Paris :
ACCUEILLIR LES SINGULARITÉS
MIGRATIONS ET HUMANITÉ, OU QUAND UN IMPÉRATIF COMMUN ÉMERGE D’UNE CRISE MAJEURE DE NOTRE TEMPS
Journée d’étude organisée dans le cadre du projet Erasmus + Volare
Samedi 16 novembre 2024, de 10h à 17h45
Amphithéâtre, Maison de la Recherche
Université de Paris 8 Vincennes-Saint-Denis
Isabèu Vergnes
Article redigit en gascon