Ongan, la còla « didactica de las matematicas » decidiguèt d’experimentar de sesilhas de « matematicas viventas ». Se desiratz partejar d’experiéncias que van dins aquela direccion, seretz los benvenguts a la sesilha venenta de la formacion « didactica de las matematicas » que se tendrà lo 12 de febrièr de 2025 a APRENE.
Cadun presentarà sas sesilhas, la còla farà de retorns e cadun partirà en aver en cap d’amelioracions o de pistas de seguida per son experimentacion.
Introduccion a las matematicas viventas a l’escòla primària
Los novèls programas de matematicas per l’escòla primària meton l’accent sus un apròchi mai concret e interactiu de las matematicas, que podèm qualificar de « matematicas viventas ». Aquela apròchi a per tòca de rendre l’aprendissatge de las matematicas mai estimulant e pertinent pels escolans.
Las matematicas viventas an per tòca de :
- Desvolopar la curiositat e lo gost dels escolans per las matematicas
- Favorizar l’experimentacion e la manipulacion concreta
- Far de ligams entre las matematicas e lo monde real
- Encoratjar lo rasonament e la resolucion de problèmas
Principals cambiaments dins los programas
Los novèls programas introdusisson mantuna evolucion importanta que van dins aquel sens:
- Mai de plaça donada a la geometria dinamica e a la modelizacion
- Introduccion de nocions de programacion e d’algoritmica tre lo CP
- Renforçament de las activitats de manipulacion e d’experimentacion
- Accent mes sus la verbalizacion e l’argumentacion matematica
Vaquí qualques exemples d’activitats concretas per metre en òbra aquela apròchi :
- Utilizacion de material de manipulacion (getons, cubes, etc.) per descobrir las operacions
- Jòcs matematics per trabalhar lo calcul mental d’un biais ludic
- Resolucion de problèmas dobèrts en ligam amb la vida quotidiana
- Projèctes interdisciplinaris mesclant matematicas e autras matèrias
Ongan, d’unas dralhas per partir de situacion vivas dins las experimentacions menadas per la còla « didactica de las matematicas », se van apiejar cap a de sortidas regularas …
Per somiar un pauc de matematicas, Marjòri vos prepausa ara, de seguir e d’utilizar lo « Vendée Globe » …
« VENDÉE GLOBE » en CLASSA de CE2/CM1/CM2
Tematica : Navegar a l’entorn del mond amb lo « Vendée Globe »
Objectiu general : Permetre als escolans de descobrir los enjòcs d’una correguda maritima tot en explorant de disciplinas variadas (geografia, sciéncias, matematicas, lenga, arts, activitats fisicas).
SOMARI
- las disciplinas e activitats associadas
- los rituals del matin e de la setmana
- la tièra del material e de las ressorgas
- de fotografias illustrant d’unas activitats en classa
DISCIPLINAS E ACTIVITATS ASSOCIADAS
La tièra es pas complèta, lo projècte es talament ric que traparetz aquí d’exemples. A vautres d’imaginar, de crear, de completar…
Geografia : lo percors a l’entorn del mond
- Activitat principala : seguir lo percors dels esquipers.
+ estudiar los oceans, los continents, los caps (Bonne Espérance, Horn, Leeuwin), las zònas (anticiclòn, Ponch Nemo, Pot au Noir)
+ utilizar de mapas per localizar las zònas traversadas e marcar las posicions dels batèls (Imoca) en temps real (latitud e longitud).
- Competéncias trabalhadas :
+ legir e interpretar una mapa
+ descobrir los climas e los corrents marins
Matematicas : calculs e mesuras
- Activitat principala : resòlver de problèmas ligats a la navigacion
+ calcular las distàncias percorregudas (en km o en miles nautics)
+ estudiar las velocitats mejanas dels imocas
+ comparar las performàncias dels esquipers (tablèus, grafics)
- Competéncias trabalhadas :
+ resolucion de problèmas
+ utilizacion de las unitats de mesura
+ las diferentas operacions
Lenga : escritura e lectura
- Activitat principala : redigir un jornal de bòrd
+ legir d’extraches de racontes d’esquipers
+ imaginar de racontes a la primièra persona (coma se l’escolan èra un esquiper)
+ redigir una letra dempuèi un ponch del percors
- Competéncias trabalhadas :
+ enriquesir lo vocabulari maritim
+ desvelopar de capacitats d’escritura narrativa
Istòria : las descobèrtas maritimas bèlas
- Activitat principala : far de parallèls amb los explorators del passat
+ estudiar Magellan, Cristòl Colomb…
+ comparar las aisinas de navigacion ancians e modèrnas
+ istòria e evolucion dels batèls
- Competéncias trabalhadas :
+ situar d’eveniments dins lo temps e l’espaci
+ comprene l’evolucion de las tecnicas de navigacion
Arts visualas : creativitat maritima
Activitat principala : crear d’òbras inspiradas del « Vendée Globe »
+ dessenhar o pintrar de païsatges marins
+ fargar un modèl redusit d’Imoca
Competéncias trabalhadas :
+ experimentar de tecnicas artisticas
Educacion fisica : activitats esportivas e esperit de còla
Activitat principala : simular des desfises esportius
+ percors d’endurança o d’agilitat (per simbolizar los esfòrces fisics dels esquipers)
+ jòcs collaboratius per illustrar l’entrajuda e la gestion de l’ànsia
+ practicar la vela dins lo club nautic mai pròche
- Competéncias trabalhadas :
+ desvelopar la motricitat
+ renforçar l’esperit de còla
RITUALS DEL MATIN E DE LA SETMANA
- Lo tòp 6 dels esquipers
- Los abandons
- Las nòvas de la correguda pel jornal de bòrd
- Plaçament de l’esquiper n°1 e de l’Imoca Calandreta sus la mapa e lo glòb
- Plaçament dels esquipers de sa còla sus la mapa individuala, cèrca de las coordonadas latitud e longitud
- Lectura del jornalet del « Vendée Globe »
MATERIAL E AISINAS
- Glòb terrèstre e mapas de la correguda
- Mapas format A4 pel plaçament dels esquipers
- Maquetas d’Imoca
- Libres e documentaris sul « Vendée Globe » e la navigacion
- Diferents afichatges (veire fotografias e tièra de las ressorgas)
- Etiquetas dels esquipers e dels Imocas
TIÈRA DE LAS RESSORGAS
- Kits pedagogics (version numerica o papièr) : Initiatives Cœur (Samantha Davies) o Bureau Vallée (Louis Burton). Lo kit conten una mapa, de maquetas, un libròt d’acitivitats pel cicle 3…
- Sit internet Vendée Globe e Vendée Globe junior + aplicacion telefonet per seguir las nòvas quotidianas e lo classament
- Facebook : le Vendée Globe à l’école 2024. D’informacions, de fotografias, de documents partejats per de regents que seguisson la correguda. Cada setmana, aufildeleau edita lo jornalet del Vendée Globe.
- Youtube e Instagram per seguir las paginas e las nòvas dels esquipers
- Sit internet de regents (maitressedelaforet, charivarialecole, mimiflexi, audymaicresse, lecartablemerveilleux…)
- Virtual regatta : jòc en linha per participar a la correguda als costats dels esquipers vertadièrs ; la classa creèt un Imoca (demandar un còdi partenari a l’Usep per aver l’equipament complet) e d’unes escolans e parents fan la correguda a costat del batèl de la Calandreta.
Marjòri Bouzac
Fotografias e exemples d’activitats en classa
