Las conselhièras pedagogicas de l’Acadèmia de Montpelhièr, e los co-directors d’APRENE, trabalhan desempuèi la dintrada per fin de prepausar al regentum una experimentacion a l’entorn de las Palancas.
Lo concèpte es conegut mas s’amerita totjorn d’èsser questionat e renovelat.
Aquí, las classas que se lançan dins l’experimentacion auràn a posita de fichas menairas, de fichas pels mainatges e de proposicions de perlongaments dins diferents domenis. Aquelas experimentacions, que se faràn sus la basa del volontariat, dintran dins un trabalh de recèrca seguit per una còla d’universitaris.
Las Palancas, e mai generalament totes los trabalhs de comparason de lengas, permeton d’avisar encara mai de la pertinéncia d’una didactica del bilinguisme. Se l’apròchi demòra ludic, un trabalh de comparason sistematizat permet un afortiment de las doas lengas d’un biais segur.
Dins los jorns que venon anatz èsser sollicitats e vos convidam a vos associar a un projècte que balha de sens a las nòstras causidas tan linguisticas coma pedagogicas.
Joan-Francés Albert e lo grop de trabalh
Article redigit en lengadocian.