Pel temps que sèm, corrissèm a tot pols !
Bastissèm lo percors, mobilizam de mond per ajudar a la securitat, a l’animacion ; anam quèrre de partenaris : associacions, comunas, entrepresas e subretot nos bolegam perque siague un moment festiu e agradiu tot al long del percors.
D’animacions son de s’aprestar un pauc d’en pertot !
De la mai pichona comuna traversada a la vila mai bèla, sentissèm lo vam de la Passem que comença de tot far tremolar sus son passatge. Un bolh que te pren e que te daissa pas !
La Passem, La Passem quora nos ten, i sèm e corrissèm !!!
Sètz plan segur convidats a venir dins Tarn lo 23 e 24 de mai mas se podètz pas, pas de laguis, basta d’aderir o de venir partenari d’aquela plan polida manifestacion qu’es a se bastir.
Dempuèi lo còp passat avèm fait de passes de gigants : melhorar lo Helloasso e crear un siti internet. Vos daissi descobrir tot aquò çai-jos.
https://www.helloasso.com/associations/ligams-tarn/boutiques/aderir-e-crompar-un-camiset
Alara corrissèm amassa sus las rotas tarnesas ? Per la lenga, per la diversitat culturala ! E zo, es partit !
A plan lèu,
Emilie Bret