Dempuèi la debuta del mes de genièr, ÒCTV difusa d’episòdis de la version animada «Esfrontadas», l’adaptacion de la benda dessenhada de Penelòpa Bagieu.
Retraches de femnas pas conegudas malgrat lor ròtle màger dins l’istòria : espòrt, sciéncias, cultura ! A l’ora d’ara, se pòt veire Annette Kellerman, Wu Zetian, Josephine Baker. D’autras seràn apondudas cada 15 jorns.
Cada episòdi, de 3min30, en 2D, dins un ritme fòrça dinamic amb de colors vivas, tòrna metre al centre l’istòria singulara e excepcionala d’una femna.
Una votz d’una femna occitana, un dialecte diferent dins cadun, riquessa linguistica per nosautres !
Totes se pòdon gaitar en familha, alara, anatz-i !
Cristèla Simonato
