La 12ème Journée des Rencontres du Champ P.I se tendrà lo dissabte 21 de març de 2026 de 9h30 a 17h a Montpelhièr. Aquel encontre se farà a la Calandreta dau Chivalet, situada al 30 carrièra Lydie Benichou, e s’articularà a l’entorn d’un tèma essencial : « los mestièrs : un esplech preciós de la classa cooperativa ». L’escasença d’explorar amassa las practicas pedagogicas institucionalas e de partejar las experiéncias amb los practicians de las Tecnicas Freinet e de la Pedagogia Institucionala.
L’eveniment aculhirà una convidada de marca, Audrey Chenu, practiciana en pedagogia institucionala e co-autora de l’obratge « Entrer en pédagogie féministe ». Aquela jornada es obèrta a totas e totes qu’interèssan a la pedagogia. Ensenhaires, educators, estudiants, AESH e parents d’escolans son los benvenguts.
La participacion es fixada a 5€ e comprendrà un repais partejat, moment convivial d’escambi entre totes los participants. Las inscripcions se devon far abans lo 14 de març de 2026, per corric a l’adreça champ.pi@wanadoo.fr o per telefòn al 06.70.34.73.24.
Esitetz pas d’anar visitar lo site de l’associacion del Champ PI (https://champ-pi.com/) qu’i trobaretz lo visual de la jornada e una documentacion pedagogica abondosa.