Lo CIRDOC – Institut occitan de cultura, en partenariat amb sos partenaris educatius, l’establiment superior d’ensenhament APRENE e l’Acadèmia de Montpelhièr, convida tornamai los ensenhaires d’occitan e en occitan a participar a un temps d’escambis, de retorns d’experiéncias e de mutualizacion dels projèctes.
Aquel rendètz-vos serà l’escasença de partejar d’iniciativas menadas dins las classas, de descobrir d’idèas novèlas e de favorizar la cooperacion entre professionals de l’ensenhament en lenga occitana.
Lo programa complet serà comunicat lèu.
Los ensenhaires que desiran presentar l’experiéncia d’un projècte realizat amb lors escolans pòdon contactar l’equipa a l’adreça seguenta : prod-edu [a] oc-cultura.eu.
L’eveniment se tendrà lo dimècres 17 de junh, en linha. Lo ligam del webinari serà indicat sus aquesta pagina e serà tanben transmés dirèctament a las personas inscrichas.
Per tota informacion complementària e per s’inscriure : prod-edu [a] oc-cultura.eu.