Projècte PEE Cristèl Redon

 
 

 

 Las fèstas tradicionalas a Pesenàs

Constat :

* Los enfants qu’avián integrat aquesta cultura de las fèstas ritualas an quitat l’escòla.

* D’un autre costat, lo public exterior al mitan occitan i participa de mai en mai nombrós.

* Lo teatre de las originas (TDO), a travèrs son projècte temporada trabalha a la reactualizacion de las fèstas sasonièras. Son projècte artistic defend l’idèa de creacion en ligam amb lo ritme de la natura. Lo TDO mena aqueste projècte amb la participacion activa dels enfants de la Calandreta dels Polinets qu’an un ròtle essencial dins cada mesa en scèna.

* La proposicion de l’escòla per las annadas futuras es de reviscolar la flama de la temporada en :

– tornar trabalhar lo sens de cada fèsta (Martror, Nadal, San Blasi/ Carnaval, Sant Joan). D’interveneires del TDO menan de talhièrs de sensibilizacion a la simbolica de las fèstas, talhièrs lectura, dessenh contat, debat, de la mejana seccion al CM2.

– Renovar lo contengut e la forma dels rituals en s’apuèjar sus l’imaginari dels enfants. Un talhièr escritura de cants permetrà de balhar als espectacles un buf novèl.

– Implicar cada enfant de l’escòla. Totes participaràn (a partir de la MS) a dos talhièrs descantonats dedicats a la fèsta de la sason en cors.

 

Per cada fèsta, los talhièrs descantonats viraràn a l’entorn dels aisses seguents :

– cultrura germanica viva (talhièr menat per Anne en contracte civic europèu),

– escritura de cants,

– cosina,

– expausats (legendas, animals totemics, faches istorics, costumas, costums…),

– dobèrtura sul monde,

– concepcion de dos totems antinomics representatius per cada fèsta. (totem vida / totem mòrt per Martor per exemple).

 

Los temas qu’ai causit de desvolopar amb los enfants son :

– Lo rapòrt a la mòrt dins la fèsta de Martror / lo rapòrt a la mòrt dins los rituals en Africa (Mali), en Asia (Asia del Sud-Este)

– La simbolica del fuòc dins lo ritual de la soca de Nadal / la simbolica del fuòc dins lo ritual de Sant Joan

– Los vestits tradicionals dels protagonistes de las fèstas de carnaval : lo panèl, lo petaçon, la ròba del polin, lo costum del menaire del polin)

 

Lo trabalh especific consistís en concebre de talhièrs corts (40 min.) accessibles a tot atge), que pòscan materializar d’idèas abstractas ligadas a la simbolica :

– per Martror : fargar d’ostals dels esperits asiatics (montatge e decoracion)

– per Nadal : fargar un parafuòc circassian per delimitar lo perimètre de dança a l’entorn del fuòc

– per Sant Blasi / Carnaval : fargar de petaçons

– per Sant Joan : dançar las etapas emocionalas en jòc dins lo ritual.

 

Fichas descriptivas