Las edicions Vent Terral prepausan un libre de l'Eliane Gauzit que se ditz Faridondeta Revira-te ! Un libre amb de cançons e de vira-lenga en direccion dels mainatges es de segur pas una primièra, empacha pas qu'aquel d'aquí ten qualques originalitats que pòdon interessar, e benlèu interpelar, d'escòlas immersivas coma las nòstras. Lo nòstre objectiu es plan de faire venir locutors de mainatges que son malastrosament, per la màger part, bravament a l'abric de la lenga e de la cultura nòstra ! S...

Aprene o apregondir sas coneissenças de conjugason en occitan, gràcias a VÈRB’ÒC. Es una aplicacion qu’existís dempuèi temps per trobar la conjugason de tal o tal vèrb, desvolopada pel Congrès Permanent de la lenga occitana, organisme interregional de regulacion de l’occitan (locongres.org). Mas dempuèi pauc, es enriquesida de foncions vocalas e ludicas per melhorar l’aprendissatge de la conjugason. Es un vertadièr utís per se perfeccionar, que pòt servir als adults tanplan coma als maina...

Lo seminari d'aprestança del congrès se tendrà los dissabte 10 e dimenge 11 de genièr de 2026 "A las pòrtas dels monts d'Aubrac" del costat d'Espalion. Aquelas doas jornadas se balhan per objectiu de trapar lo títol del congrès abans de ne definir mai los temps fòrts e los talhièrs. La tematica delcongrès 2026, "s'associar per faire movement", manca pas de sal, çò que deuriá balhar plan de pistas de reflexion. Aqueste temps d'elaboracion collectiu serà de segur ric, que mai de 25 personas respo...

L’associacion « Pierre et Soleil » organiza un concors de poesia titolat : lo caminòl dels poètas. L'associacion basada a Sant Saturnin de Lucian dins Erau prepausa cada annada un tèma diferent. Ongan, d’aprèp las frasas de Max Roquèta : Lo resson mai naut de la poësia es pas tant dins lo messatge que dins un mond creat tot nòu. E que pòt pas nàisser que d’una mena de gravitacion de contunh de las paraulas entre elas. La tematica serà « Naissenças e renaissenças&nbs...

Se beneficiatz dels servicis informatics ofèrts per APRENE vos sètz mainats d'unes cambiaments. L'adreça cambièt, ara, vos cal encartar a estelum.aprene.orgSe capitatz pas, podètz demandar ajuda a Joan-Batista (contact@aprene.org)Podètz navegar dins los fichièrs d'Estelum, los pòrtfolios e autres contenguts son estats transferits de "Synology" a "NextCloud".I podètz accedir amb lo navigador de vòstre ordinator o en telecargant l'aplicacion "nextcloud" amb lo telefonet . 1) Estelum, lo Nextcl...

S’endralhèt ongan, pel primièr còp, una formacion per las ajudas mairalas de Lengadòc. Aprèp lo resson de l’experimentacion capitada a Tolosa e Orlhac, d’unes regents de cicle 1, recampats a la jornada pedagogica de Masamet en genièr de 2025, aguèron enveja d'espandir la dinamica costat Lengadòc. La formacion es menada de cotria amb de regents e ajudas mairalas experimentadas, los PA, la còla d’APRENE, las federacions e las associacions de basa. Nasquèt d’un besonh evident de mai d’immersion...

Lo rapòrt senatorial d'informacion fait al nom de la comission de la cultura, de l'educacion, de la comunicacion e de l'espòrt per la mission d'informacion per la mesa en òbra de la lei del 21 de mai de 2021 (relativa a la proteccion patrimoniala de las lengas regionalas), dita lei Molac, ven de sortir. A l'iniciativa de dos senators, Karine Daniel e Max Brisson, aqueste document de 85 paginas punta 23 recomandacions favorablas a las lengas regionalas e a lor desvolopament. Aquel rapòrt es i...

Aprèp una primièra sason que los aviá menats long d’un viatge de 200 km dins Avairon, Estèla e Anaël del collectiu Dètz son tornamai en camin per la sason 2 de « Fai la rota ».L’objectiu es d’anar cap a Capberton pel concèrt de Cocanha en partir de Biòst (val d’Aussau).Aquesta rota, la van far en « estòp » mas subretot en lenga e pas qu’en lenga !Aquò’s l’escasença de rencontres, de situacions risolièras, susprenentas. Coma la seria es difusada actualament, vos direm pas se l’escomesa serà a...

Desempuish 2021, Aprene que tribalha dab Paris VIII e que participa au projècte VOLARE. Mercés au tribalh de Pèire-Joan Laffitte et de Del Aram Bidabad, Aprene e lo Movement Calandreta que tribalha en ligam dab lo hialat pedagogic VOLARE. VOLARE qu’ei un repertòri numeric en accès liure destinat aus educators, qui introduseish apròchas etnograficas e qu’integra lo testimoniatge e la multimodalitat com utis deu procèssus educatiu. Qu’ei ua ressorça preciosa peus ensenhants, permor que ...