Del 1ièr al 3 de decembre de 2022, lo primièr congrès internacional de la sociatat catalana de pedagogia se tenguèt a Lleida. Annia Pla e Irena Pradal, Paissèlas-ajudairas de l'establiment APRENE, i anèron per presentar una comunicacion. Resumit çai-jos

Lo dimars 11 d’octòbre, a l’escasença de la Fèsta de la sciéncia, l’OPLO organizèt una taula redonda a l’entorn de la tematica : quinas lengas per pensar e viure lo mond de deman ? Participèron Gilbert Dalgalian, Joan-Francés Albert, Rachid Lhachmi, Carolina Calvet e Joan-Luc Lagrave. https://youtu.be/Y1S83yzD5RU

Dins l’encastre de la Fèsta de la Sciéncia, l’Ofici public de la lenga occitana, en partenariat amb lo CIRDOC – Institut occitan de cultura, organiza lo 11 d’octobre a 17ò un debat en linha a l’entorn del tèma « Biodiversitat e diversitat de las lengas: quina(s) lenga(s) per pensar e viure lo mond de doman ? ».

Lo movement Calandreta e l’establiment superior de formacion de mèstra·e·s APRENE participèron al VIen congrès de l’escòla valenciana, a Valéncia, los 9 e 10 de decembre passat. Los tres aisses de trabalh causits pels organizators del congrès (co-educacion – diversitat e plurilingüisme – transformacion digitala ) dintran perfectament en resson amb las recèrcas de l’establiment APRENE. Podèm quitament dire que las Calandretas, fòrtas de mai de 40 ans de practicas pedagogicas, apareisso...

Collòqui transfrontalièr Vos convidam a  un eveniment excepcional, organizat en partenariat amb l'Institut d'Estudis Catalans, la Societat Catalana de Pedagogia, l'ESPE de Perpinhan, Bressola e APRENE : una jornada de collòqui a prepaus de Familhas de Lengas, a Perpinhan, lo 20 de novembre. Un rencontre es organisat tanben lo 19 al vespre. Consultatz lo programa en seguir aquel ligam. Una plaça importanta serà balhada als practicians del plurilingüisme, pensi amai que cal pas...

Lo 8en collòqui de l'ISLRF se debanarà a Baiona los 18 e 19 d'octòbre de 2019 D'unes Paissèls-ajudaires de l'establiment Aprene i participaràn en qualitat de comunicants. Cap a una pedagogia del plurilinguisme ? Isabèu Vergnes e Xavi FerréDe l'avaloracion del nivèl de lenga occitana en cicle 1 a una conscientizacion diferenta dels ensenhaires.Annia Pla Lo programa complet es a posita sul sit internet de l'ISLRF

Lo 7èn collòqui internacional de l’ISLRF se debanarà lo divendres 23 e lo dissabte 24 de març de 2018 a Quimper.   Es organizat dins lo quadre del 40èn anniversari de la creacion de la ret Diwan, escòlas immersivas en lenga bretona. Interven un pauc mai de vint ans aprèp la mesa en plaça de l’ISLRF.